09.03.2011 / 13:49

Паўстанне Хмяльніцкага 10

Па-беларуску выйшла кніга з польскім поглядам на падзеі сярэдзіны XVII стагоддзя.

У сярэдзіне XVII стагоддзя на тэрыторыі Беларусі мелі месца падзеі, якія можна смела параўнаць з сённяшняй грамадзянскай вайной у Лівіі.

Адно што маштаб і тэмпы паўстання Хмяльніцкага па аб’ектыўных прычынах саступалі дзеянням Кадафі. У тыя часы любы ўзброены канфлікт унутры краіны расцягваўся на гады. У ХХ стагоддзі дастаткова некалькіх месяцаў, а то і тыдняў. Ды і матывы Хмяльніцкага не судаюць з матывамі лівійскіх паўстанцаў. Аднолькавым застаецца змест — вайна.

Усё большая паланізацыя, прыніжэнне правоў праваслаўных магнатаў, шляхецкая анархія, якая панавала ў Каралеўстве — усё гэта вельмі негатыўна настройвала жыхароў усходу краіны, а ў дадатак аслабляла ВКЛ.

Вынікам было паўстанне Хмяльніцкага. Падзеі, якія ў сучаснай Украіне ўспрымаюцца ледзьве не як вайна за незалежнасць. Украінцы даруюць Багдану ўсё — і тэрор уласнага насельніцтва, і варварскія нават для тых часоў метады вядзення вайны, і нават сувязь з Масквой.

Польскі погляд таксама адназначны і супрацьлеглы. Для Кракава і Варшавы Багдан Хмяльніцкі — гэта здраднік, які дзейнічаў выключна з мэтай раздзяліць дзяржаву і раздаць яе часткі суседзям, не забыўшыся пры гэтым на сябе.

Што думаць аб Хмяльніччыне беларусам, пакуль невядома. Тыя далёка няпоўныя артыкулы і публікацыі, што ўжо пабачылі свет, адказу не даюць. Магчыма, праца Вітальда Бярнацкага «Паўстанне Хмяльніцкага: ваенныя дзеянні ў Літве ў 1648 — 1649 гадах» дазволіць вызначыцца з поглядамі на адну з самых драматычных падзей нашай гісторыі.

Кніга выйшла літаральна на днях. Шукайце ў незалежных распаўсюднікаў, напрыклад, можна набыць na knihi.by

Вітальд Бярнацкі, Паўстанне Хмяльніцкага: ваенныя дзеянні ў Літве ў 1648 — 1649 гг., Вільня-Беласток 2010, 183 с.

Хочаш падзяліцца важнай інфармацыяй ананімна і канфідэнцыйна?

АП

0
polak z Kresow / Адказаць
09.03.2011 / 15:39
Хмяльніцкі -- забойца і марадзёр, які не думаў нават аб інтарэсах Украіны. Жадаў толькі пабольш ухапіць для сваёй банды казакоў. Як бы хто не ставіўся да палякаў, але тут яны Беларусь дакладна уратавалі ад казацка-мангольскага нашэсця.
0
прыйдзе новы а мудры гісторык / Адказаць
09.03.2011 / 15:57
\"Што думаць аб Хмяльніччыне беларусам, пакуль невядома. Тыя далёка няпоўныя артыкулы і публікацыі, што ўжо пабачылі свет, адказу не даюць.\" Па-першае прачнуцца ад духоўнай летаргіі, ськінуць зь сябе каляніяльнае ярмо а кляймо ды засвоіць, што мы аніякія не беларусы але вялікалітоўцы. Гісторыкам гэтае неабходнае найперш, бо насяньні яны аніякія не гісторыкі, але брыдкія халуі і пераказваюць з чужой падачы антынацыяльныя міты і фальсіфікаты. Польскі і расейскі бакі нярэдка фінансуюць гэтыя антынацыянальныя фальсіфікаваныя тэксты беларускіх аўтараў. Найбольш паказальная акцыя - нашумелая кніжка беластоцкага Латышонка. Напісаць навуковую манаграфію пра найвялікшага змагара за свабоду нашае Бацькаўшчыны Князя Янаша РАДЗІВІЛА. Пачаць змаганьне супраць невуцтва за ўвекавечваньне ягонай Памяці і Славы, наданьне адной з цэнтральных менскіх магістраляў назову \"праспэкт імя Янаша РАДЗІВІЛА\" . Ліквідаваць назву вуліцы ўкраінскага казака Б.Хмяльніцкага (ў раёне лазьні), як ворага нашай незалежнасьці.
0
Партызан / Адказаць
09.03.2011 / 16:25
Рэальна для Ўкраіны, як сьцьверджывае ўкраінскі гісторык - праф. Н. Якавенка, паўстаньне Хмельніцкага - гэта вайна супраць уласнага насельніцтва. Бо хмельнітчына, найперш, ударыла па ўкраінскай шляхце, якую мяцежнікі назвалі "палякамі". Найбольш адукаваны і дзеёвы пласт украінскай нацыі быў: альбо зьнішчаны; альбо хутка сам зьмяніў нацыянальную ідэнтыфікацыю, каб не маць нічога агульнага з хмельнітчынай. Не сьлед забывацца і таго, што Кіеўскі праваслаўны мітрапаліт і сьвятарства прасілі Кароннае войска, у прыватнасьці кн.Радзівіла, абараніць іх ад "абаронцаў праваслаўя"...
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру