10.03.2011 / 18:27

Багданкевіч: Я зноў адыходжу ад актыўнай палітычнай дзейнасці 5

Часовы лідэр АГП Станіслаў Багданкевіч заявіў, што адыходзіць ад актыўнай палітычнай дзейнасці. Па стане здароўя.

«Я зноў адыходжу ад актыўнай палітычнай дзейнасці. Кардыяграма вельмі дрэнная, ціск - 190 на 110. Калі ляжу - адчуваю сябе больш-менш нармальна, а вось актыўнасць даецца мне з цяжкасцю. Я ўжо сказаў Марголіну [намеснік старшыні АГП], што трэба праводзіць пасяджэнне Палітрады, каб на яго ўсклалі абавязкі часовага старшыні партыі - на час адсутнасці лідэра. Тым больш, зусім незразумела, калі вернецца Анатоль Лябедзька [знаходзіцца ў СІЗА КДБ]", - адзначыў Станіслаў Багданкевіч.

Ганаровы старшыня АГП Станіслаў Багданкевіч ўзяў кіраўніцтва Аб'яднанай грамадзянскай партыяй у свае рукі, аб чым заявіў 30 снежня.

«Мірная дэманстрацыя беларускіх грамадзян 19 снежня пад кіраўніцтвам дзевяці апазіцыйных кандыдатаў у прэзідэнты супраць фальсіфікацыі выбараў была жорстка разагнаная з наступным арыштам як кандыдатаў у прэзідэнты, так і іх прыхільнікаў, — гаварылася тады ў заяве. — Сярод арыштаваных — старшыня Аб’яднанай грамадзянскай партыі Анатоль Лябедзька, а таксама шэраг іншых членаў вышэйшага кіраўніцтва партыі і актывістаў, у тым ліку старшыня Мінскай гарадской арганізацыі АГП Анатоль Паўлаў і яго намеснік Алег Корбан».

«Ва ўмовах, калі партыя фактычна абезгалоўленая, зыходзячы з адказнасці за партыю, за захаванне яе адзінства і неабходнасці неадкладнай арганізацыі барацьбы за вызваленне нашых рэпрэсаваных таварышаў, часова, па ўзгадненні з Палітсаветам АГП, прымаю на сябе кіраўніцтва Аб’яднанай грамадзянскай партыяй», — заявіў 30 снежня Станіслаў Багданкевіч.

0
супрацоўнікі Нацыянальнага банку / Адказаць
10.03.2011 / 19:53
Здароўя Вам, паважаны Станіслаў Антонавіч!
0
мазырчук / Адказаць
10.03.2011 / 21:05
Далучаюся да пажаданьняў ! Трымайцеся!
0
Аліна / Адказаць
10.03.2011 / 21:53
Вельмі жадаю вам здароўя і добрых эмоцыяў.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру