10.03.2011 / 18:41

Сенатары ЗША прапануюць рэзалюцыю па Беларусі 2

Сэнатары Дык Дэрбін і Джозэф Лібэрман 9 сакавіка ўнесьлі на разгляд Кангрэсу сымбалічную рэзалюцыю, якая асуджае нядаўнія выбары ў Беларусі як нелегітымныя і заклікае да неадкладнага вызваленьня ўсіх палітычных зьняволеных.

Дакумэнт, паведамляе Голас Амэрыкі, таксама заклікае да новых жорсткіх санкцый з боку ЗША і Эўразьвязу ў дачыненьні да высокапастаўленых чыноўнікаў зь Беларусі.

Сэнатары ахарактарызавалі выбары 19 сьнежня, на якіх прэзыдэнт Аляксандар Лукашэнка быў абраны на чацьвёрты тэрмін, як «сфальсыфікаваныя», і асудзілі падаўленьне апазыцыі і арышты кандыдатаў у прэзыдэнты.

Сэнатар Дэрбін сказаў, што дакумэнт прыцягне ўвагу да беларускага рэжыму і стане новым заклікам міжнароднай супольнасці да пераменаў у Беларусі. Паводле яго, рэзалюцыя дае зразумець беларусам, што амэрыканскі народ — разам зь імі і падтрымлівае іх імкненьне да свабоды.

0
Спадар / Адказаць
10.03.2011 / 23:15
Вот, не пойму! Почему США в своих резолюциях что-то решает за ЕС?
0
ladzia / Адказаць
10.03.2011 / 23:56
2 Спадар : __________ сп.спадар сапраўды венік, венікам прыкідваецца, ці на зорачку падзарабляе? :) . няўжо няясна сп.спадару, што ЗША ВЫКАЗВАЮЦЬ СВАЮ пазыцыю - а іншых ЗАПРАШАЮЦЬ да яе далучыцца. . ці сп.спадар мае з моваю праблему? бо ў вышэйдрукаваным тэксце тое чорным па беламу акурат і ёсць надрукавана.. . але пахвальнае жаданьне сп.спадара - навучыцца ўрэшце чытаць. ды разумець прачытанае. бо нік сабе ён абраў пазітыўны - а гэта ўжо не абы што.
Каб пакінуць каментар, калі ласка, актывуйце JavaScript у наладах свайго браўзеру