11.03.2011 / 12:27

Акцёра з роліка «Схавай пашпарт бабулі» адлічылі за «хвасты», а не за палітыку 13

У БДУ запэўніваюць, што палітыкай малады чалавек толькі прыкрыўся.

У БДУ запэўніваюць, што палітыкай малады чалавек толькі прыкрыўся.

У снежні стала вядома, што Алега Ануфрыенку, унука з роліка «Схавай пашпарт бабулі», адлічылі з універсітэта. Ён вучыўся на журфаку БДУ. Журналісты звязалі адлічэнне з палітыкай. На факультэце ж заяўляюць, што малады чалавек проста не здаў «хвасты».

Алег Ануфрыенка не адмаўляе, што меў запазычанасці яшчэ з летняй сесіі. Па яго словах, ён здаў іх да ўзгодненых у дэканаце тэрмінаў.

А ў выніку пераздачы не залічылі, а яго адлічылі, кажа ён.

Намесніца дэкана журфака Ганна Курэйчык пацвердзіла, што студэнт меў акадэмічную запазычанасць. Малады чалавек двойчы звяртаўся да адміністрацыі факультэта з просьбай працягнуць тэрмін пераздачы. Спачатку да жніўня, а затым да 15 кастрычніка 2010 года «ў сувязі з сямейнымі абставінамі». Спн. Курэйчык дэманструе адпаведныя заявы студэнта. Яму пайшлі насустрач. А перад заканчэннем другога тэрміну, 14 кастрычніка, Алегу патэлефанавалі, каб нагадаць аб пераздачы. Але ён не адказваў на званкі і ў дэканат не з’явіўся. Адпаведна, за акадэмічную непаспяховасць яго адлічылі з універсітэта.

Загад аб адлічэнні быў падпісаны 28 кастрычніка, а Алег Ануфрыенка, як сам адзначыў, даведаўся аб гэтым толькі ў снежні. Ён звяртаўся ў дэканат па тлумачэнні. Там адказалі, што адпраўлялі дадому адпаведны ліст. Але і да сёння, па словах Ануфрыенкі, ён не дайшоў. Ганна Курэйчык адзначае, што дэканат не абавязаны ў рукі перадаваць такія лісты. І дадае, што Алег мог даведацца аб усім, калі б з’явіўся ва ўніверсітэце.

Намесніца дэкана адмаўляе сувязь паміж ролікам «Схавай пашпарт бабулі» і справай студэнта.

І звяртае ўвагу, што відэа з’явілася ў інтэрнэце пазней за загад аб адлічэнні (на ю-тубе ролік размясцілі 8 лістапада).

Разам з тым, рэжысёр відэа Яўген Шапчыц быў звольнены з Белтэлерадыёкампаніі за працу над ролікам.

Алег Ануфрыенка хоча паспрабаваць аднавіцца ў БДУ ў наступным годзе.

БДУ адметны тым, што ў гэтым універсітэце не адлічвалі студэнтаў, затрыманых на Плошчы.

Відэа «Схавай пашпарт бабулі» было прысвечана прэзідэнцкім выбарам у Беларусі. Згодна з сюжэтам, унук зайшоў да бабулі ў госці. Калі яны пілі гарбату, у дзверы пазванілі зборшчыкі подпісаў за кандыдата Жырафенку. На фотаздымку — Аляксандр Лукашэнка з падмаляваным парыком. Пакуль бабуля слухае мужчын, унук хавае яе пашпарт. І рэзюмэ: «19 снежня. Выбары-2010. Выратуй краіну. Схавай бабулін пашпарт».

Сяргей Макарэвіч

0
спачуваю / Адказаць
11.03.2011 / 13:36
не было б фальсіфікацый і рэпрэсій - не было б і гэтых праблем з прывязкай ці не-прывязкай палітыкі. можна падумаць моладзь вінаватая ў той сітуацыі што склалася ў краіне!
0
Жэка / Адказаць
11.03.2011 / 13:39
да, мы, памяркоуныя, позволили какой-то кучке колхозанов сесть себе на голову, свесить ножки, нагадить, растереть это все и сказать, што так усе и было. из грязи в князи. они надели на головы короны и от безграничной власти, от чувства собственной значимости и вседозволенности потеряли голову, разум, чувство меры и какой бы то ни было реальности. они не уйдут просто так, НИКОГДА!!! и если выйдет 200 тысяч людей на улицы - он поднимет в воздух военные самолеты и введет войска. дальше - по сценарию. как его ливийский кореш. но это не значит, что нужно засунуть голову в песок и ждать волшебного пендаля, извините. в борьбе все средства хороши. ВСЕ!!! главное доносить до людей информацию об истинном положении вещей, чтобы попросыпались некоторые, наконец, очнулись от летаргического сна, и когда все начнут шевелиться, тогда -БУМ!!! однажды он проснется и поймет. что он никто и звать никак, и больше не сможет тыкать, оскорблять, врать, унижать, судить без суда и следствия, убивать.... ЧЕРТ, ДОЖИТЬ БЫ!!!!!!!!!!!!!!!!!!!!!!!!!!!!!!!!!!!!!!!!!
0
Студэнт журфака БДУ / Адказаць
11.03.2011 / 13:42
Хлусня! З журфака адлічвалі за Плошчу-2006, Вячорку адлічылі за палітыку (я яго недалюбліваю, але адлічылі яго па палітычных матывах) з Алегам тое самае. Яго адлічылі заднім чыслом. Месяц ён хадзіў на пары, быў у спісах, па якіх дэканат і выкладчыкі правяраюць прысутных, ніхто не казаў яму пра адлічэнне. Не казалі пра гэта і ягоным бацькам, хоць павінны былі паведаміць пісьмова. І да інфармацыі - Ганна Курэйчык на факультэце журналістыкі адказвае за ідэалогію. Перад выбарамі яна прымушала студэнтаў галасаваць датэрмінова. Хадзіла па пакоях інтэрната і казала, што калі нехта пойдзе на Плошчу, яго адлічаць. У дзень выбараў яна была ў якасці назіральніка ад праўладнага Саюзу жанчын. Так што няма веры ейным словам. Вы б яшчэ дэкана Дубовіка запыталі - маёра КДБ, дарэчы.
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру