Хутка вясна

Паводле прагнозу Рэспубліканскага гідраметэацэнтра, 12 сакавіка ў Беларусі чакаецца воблачна з праясненнямі.

Ноччу на большай частцы тэрыторыі, днём месцамі кароткачасовыя ападкі (ноччу ў асноўным снег). На асобных участках дарог галалёдзіца. Вецер паўднёва-заходні, заходні 5–10 м/с, ноччу парывы да 14 м/с. Тэмпература паветра ноччу мінус 6 — плюс 1°С, днём ад 0°С па поўначы да плюс 8°С па поўдні.

У Мінску 12 сакавіка воблачна з праясненнямі. Ноччу кароткачасовы снег, днём без істотных ападкаў. На асобных участках дарог галалёдзіца. Вецер паўднёва-заходні, заходні 5–10 м/с, ноччу парывы да 12 м/с. Тэмпература паветра ноччу мінус 1–3°С, днём плюс 3–5°С.

13 сакавіка па краіне пераменная воблачнасць. Пераважна без ападкаў, толькі ноччу ў асобных раёнах Віцебскай вобласці невялікія ападкі (мокры снег, дождж), слабы галалёд. Ноччу і раніцай месцамі туман, на асобных участках дарог галалёдзіца. Вецер паўднёвы 4–9 м/с, днём парывы да 14 м/с. Тэмпература паветра ноччу 0 — мінус 7°С, днём плюс 3–9°С, па паўднёвым захадзе плюс 10–13°С.

14 сакавіка пераменная воблачнасць. У асобных раёнах Беларусі кароткачасовы дождж. Ноччу і раніцай месцамі туман. Вецер паўднёва-заходні 4–9 м/с, парывы да 14 м/с. Тэмпература паветра ноччу мінус 3 — плюс 4°С, днём плюс 5–12°С, па поўдні Брэсцкай і Гомельскай абласцей да плюс 15°С.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ