15.03.2011 / 08:43

Пуцін абяцае Лукашэнку АЭС лепшую за японскія абноўлена 32

Падпісанне дамовы пра беларускую АЭС адбудзецца ў злавесны дзень. Падзеі на АЭС у Фукусіме блізкія да найгоршага сцэнару. Новыя выбухі, пажар, вялікі выкід радыяцыі.

Падпісанне дамовы пра беларускую АЭС адбудзецца ў злавесны дзень. Падзеі на АЭС у Фукусіме блізкія да найгоршага сцэнару. Новыя выбухі, пажар, вялікі выкід радыяцыі.

Выбух і пажар скаланулі 4-ы рэактар Фукусімы.

У раёне трэцяга рэактара АЭС «Фукусіма-1» сёння ўранку можна было за гадзіну атрымаць 400 гадавых дозаў апраменьвання, паведамляе японскае агенцтва Kyodo.

Раней, перш чым у чацвёртым энергаблоку адбыўся пажар і выбух вадароду, агенцтва паведамляла аб перавышэнні гэтага паказчыка на тэрыторыі станцыі ў восем разоў.

Пры гэтым узгаранне ў чацвёртым энергаблоку АЭС удалося лакалізаваць.

Кіраўніцтва АЭС эвакуявала са станцыі ўвесь персанал, акрамя 50 работнікаў, якія непасрэдна займаюцца астуджэннем рэактараў.

Зафіксаваны ўздым радыцыі ў суседніх са станцыяй рэгіёнах і нават у Токіа, якое ляжыць за 260 км ад станцыі (гэта прыкладна як Мінск ад Гродна; будучая Астравецкая АЭС — удвая бліжэй ад Мінска).

Улады забаранілі авіяпалёты над станцыяй, працягваюць эвакуацыю людзей.

Яшчэ ніколі атамныя энэргетыкі не сутыкаліся з адначасовымі праблемамі на такой колькасці рэактараў. Калі спеклае атамнае паліва прапаліць металічныя абалонкі рэактара, вялізную тэрыторыю Японіі і прылеглы акіян чакае яшчэ больш моцнае радыяцыйнае забруджванне.

Падпісанне дамовы пра беларускую АЭС адбудзецца ў злавесны дзень. Чакаецца, што яе падпішуць беларускі і расійскі прэм’еры сёння ў Мінску. Учора дамову ўхваліў Аляксандр Лукашэнка. Будаўніцтва АЭС было ягонай ідэяй. Некаторыя эксперты сцвярджаюць, што за праектам стаіць не столькі эканамічная матывацыя, колькі амбіцыя ўзвесці Беларусь у ранг атамных дзяржаваў.

Указ аб адабрэнні дамовы з Расіяй быў падпісаны Лукашэнкам 14 сакавіка.

У маі бакі маюць падпісаць кантрактнае пагадненне, а не пазней за чэрвень — крэдытнае пагадненне паміж міністэрствамі фінансаў дзвюх краін.

Мяркуецца, што ў верасні 2011 года пачнецца будаўніцтва катлавана пад АЭС.

Астравецкая АЭС мае будавацца ў раёне Міхалішак, за 50 км ад старажытнай Вільні і за 30 км ад Нарачанскіх азёр.

Узровень абароненасці на беларускай АЭС будзе значна вышэйшы, чым у Японіі. Пра гэта сёння на сустрэчы з Лукашэнкам вяшчаў прэм’ер-міністр Расіі Уладзімір Пуцін.

«Тыя праекты, якія мы з вамі абмяркоўваем і збіраемся рэалізоўваць, яны, вядома, праекты самага апошняга пакалення, і ўзровень абароненасці нашмат вышэйшы, нягледзячы нават на тое, што Беларусь не знаходзіцца ў такой сейсмічнай зоне, як Японія», — заявіў Пуцін.

Паводле яго слоў, у Японіі дзейнічаюць амерыканскія рэактары 40-гадовай даўніны. «Мы гаворым пра зусім новых тэхналогіях і сёння з вамі падрабязна будзем гэта абмяркоўваць», — дадаў расійскі прэм’ер.

Хочаш падзяліцца важнай інфармацыяй ананімна і канфідэнцыйна?

Сяргей Гезгала

0
я / Адказаць
15.03.2011 / 09:00
http://planetolog.ru/map-world.php?id=TEC истеричкам к изучению
0
Алёхна / Адказаць
15.03.2011 / 09:07
Нельга будаваць АЭС.
0
Leian / Адказаць
15.03.2011 / 09:12
Конечно же, РФ не будет думать в первую очередь о нашей независимости и безопасности. Просто использует в своих интересах выгодное территориальное расположение и ещё раз продиктует зависимому фальсификатору свою волю. Как с выборами, так и при строительстве АЭС, какое-то там мнение народа их меньше всего интересует.
Паказаць усе каментары/ 32 /
Каб пакінуць каментар, калі ласка, актывуйце JavaScript у наладах свайго браўзеру