Згодна з прагнозам Рэспубліканскага гідраметэацэнтра, у найбліжэйшыя суткі ў Беларусі чакаецца пераменная воблачнасць. Пераважна без ападкаў.
Ноччу і раніцай на асобных участках дарог галалёдзіца. Вецер усходні 5–10 м/с, днём у заходніх раёнах месцамі парывы да 15–18 м/с. Тэмпература паветра ноччу мінус 2–7°С, па паўночным усходзе мінус 8–13°С, днём 0 — плюс 7°С.
У Мінску ў чацвер, 17 сакавіка, без ападкаў. Ноччу і раніцай на асобных участках дарог галалёдзіца. Вецер усходні 5–10 м/с, днём парывы да 12 м/с. Тэмпература паветра ноччу мінус 5–7°С, днём плюс 3–5°С.
У наступныя двое сутак, 18–19 сакавіка, па Беларусі будзе пераважна без ападкаў. 18 сакавіка толькі днём па паўднёвым захадзе Брэсцкай вобласці кароткачасовы дождж. Ноччу і раніцай на асобных участках дарог галалёдзіца. Вецер усходні 5–10 м/с, па паўднёвым захадзе парывы да 14 м/с. Тэмпература паветра ноччу 0 — мінус 7°С, па паўночным усходзе мінус 8–13°С; днём ад 0°С па паўночным усходзе да плюс 8°С па паўднёвым захадзе краіны.
19 сакавіка толькі ў паўднёва-заходніх раёнах кароткачасовыя ападкі, у асноўным дождж. Ноччу і раніцай на асобных участках дарог галалёдзіца. Вецер паўднёва-ўсходні 4–9 м/с. Тэмпература паветра ноччу 0 — мінус 7°С, па паўночным усходзе месцамі да мінус 10°С; днём плюс 2–7°С, па поўдні да плюс 10°С.
БелаПАН
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
