16.03.2011 / 17:27

Апраўдальныя прысуды ў Беларусі: назад у СССР + інфаграфіка 2

За 2010 год у Беларусі было вынесена агулам 61 054 прысудаў, з іх апраўдальнымі былі толькі 217.

За 2010 год у Беларусі было вынесена агулам 61 054 прысудаў, з іх апраўдальнымі былі толькі 217.
Гэта складае 0,36 % ад агульнай колькасці.

Нават у Расіі колькасць апраўдальных прысудаў трохі большая (за 2009 год склала 0,8%). Юрысты тлумачаць гэта так: у Беларусі і Расіі судовая практыка мала змянілася з савецкіх часоў.

У якасці параўнання маем лічбы развітых краін.

Кожны пяты прысуд, што выносіцца ў Еўрапейскім Саюзе – апраўдальны.

У ЗША гэтая лічба вар’іруецца ад 17 да 25 працэнтаў.

А вось у Канадзе за 2008 год было вынесена 12 446 апраўдальных прысудаў – 3% ад агульнай колькасці (392 207). З другога боку, абвінаваўчых прысудаў вынесена ўсяго 66,5% (260 649). Астатнія ж справы адпраўленыя на дадатковы разгляд.

У Брытаніі колькасць апраўдальных прысудаў крышку вышэйшая за лічбы з кантынентальнай Еўропы: такія прысуды складаюць там каля 29-30% ад агульнай колькасці, прычым такая доля захоўвалася цягам 2005-2009 гадоў.

Юрась Ускоў

0
Gutenman / Адказаць
17.03.2011 / 08:46
Суд народны-самы правы, Зробіць Лу калі выправы?
0
игорь / Адказаць
18.03.2011 / 10:36
необходимо давно проводить судебную реформу,без этого невозможно становление демократического государства.
Каб пакінуць каментар, калі ласка, актывуйце JavaScript у наладах свайго браўзеру