17.03.2011 / 12:15

Мілана Міхалевіч: Мы не звярталіся па візы, гэта дэзінфармацыя 6

Хтосьці распачаў кампанію дыскрэдытацыі?

Жонка экс-кандыдата ў прэзідэнты Беларусі Аляксея Міхалевіча, які, паводле неафіцыйнай інфармацыі, пакінуў краіну, скрываючыся ад КДБ, не хоча і не збіраецца нікуды з’язджаць.
Аб гэтым Мілана Міхалевіч заявіла БелаПАН, каментуючы паведамленні аб тым, што сям’я палітыка мае намер выехаць у Чэхію. Паводле інфармацыі малавядомага расійскага рэсурсу, менавіта там цяпер знаходзіцца палітык. Той жа рэсурс распаўсюдзіў інфармацыю, што за ім маюць выехаць ягоная жонка з дзецьмі і сястра. Маўляў, яны ўжо звярнуліся па шэнгенскія візы.

Мілана Міхалевіч расказала, што ў яе і дзяцей ёсць неабходныя візы для ўезду ў краіны Еўрапейскага саюза і за новымі ў пасольства яна не звярталася. Пры гэтым пацвердзіла, што 16 сакавіка была на сустрэчах у дыпламатычных місіях як мінімум чатырох дзяржаў.

Аляксей Міхалевіч, паводле слоў жонкі, апошнія суткі на сувязь з ёю не выходзіў.

Як паведамлялася раней, не выключана, што ў найбліжэйшы час экс-кандыдат у прэзідэнты сам аб’явіць аб сваім месцазнаходжанні.

Нагадаем, ноччу 14 сакавіка ў сваім блогу Аляксей Міхалевіч аб’явіў, што знаходзіцца «не ў зоне дасягальнасці беларускага КДБ».

Рух «За Свабоду» паведаміў, што яму ўдалося ноччу выехаць з краіны, дарога ў «надзейнае месца» заняла суткі. Сям’я засталася ў Мінску. «Для мяне існуе адзіная прычына, якая апраўдвае такія мае крокі, — гэта рэальная фізічная пагроза, — заявіў экс-кандыдат у прэзідэнты сайту руху. — Усе бачаць, што гэтыя людзі гатовы пайсці на ўсё, у іх дзеяннях няма законнасці і адкрытасці».

Міхалевіч праходзіць абвінавачваным па крымінальнай справе аб масавых беспарадках у Мінску 19 снежня 2010 года (арт. 293 КК). Ён быў затрыманы ў ноч на 20 снежня. Праз два месяцы, 19 лютага, яго адпусцілі з СІЗА КДБ пад падпіску аб нявыездзе.

28 лютага на прэс-канферэнцыі ў Мінску Міхалевіч заявіў, што быў адпушчаны з СІЗА пасля дачы згоды стаць агентам КДБ. Паводле слоў палітыка, ён вымушаны быў пайсці на такі крок «з-за жудасных умоў утрымання ў СІЗА, якія можна расцаніць як катаванні».

Хочаш падзяліцца важнай інфармацыяй ананімна і канфідэнцыйна?

0
Оптимист / Адказаць
17.03.2011 / 12:50
Ясно же, что Михалевич не на месяц уехал. Странно со стороны жены не собираться уезжать. До конца учебного года - это понятно. Ну а потом... Впрочем, наверное это прогноз только на ближайшее время. Или они, экстрасенсы :)))), там знают что-то, чего мы не знаем? Иначе .... впервые какие-то сомнения зародились.Впрочем, Михалевич тоже, вроде, не собирался :)
0
Реалист / Адказаць
17.03.2011 / 13:26
Да уедет она... только тихо и без лишнего шума. Будут змагацца з "крывавым рэжымам" из Праги или Варшавы... там приятнее. А потом Алеся как Ленина нам ввезут в опломбированном вагоне делать революцию... только на какие деньги, может опять на деньги немецкого генерального штаба?
0
enforser / Адказаць
17.03.2011 / 14:21
вы вообще голос михалевича слышали?:))) п.с. миху любой председатель сельсовета обматюгает, и будет прав!
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру