20.03.2011 / 10:36

Беларускія хакеісты звярнуліся ў Федэрацыю хакея, Мінспорту і Адміністрацыю 3

Група прафесійных хакеістаў звярнулася да старшыні Федэрацыі хакея, Міністэрства спорту і турызму і Адміністрацыі прэзідэнта з заклікам не ўводзіць узроставага абмежавання для ўдзельнікаў нацыянальнага чэмпіянату.

«Як нам стала вядома, 21 сакавіка адбудзецца чарговае пасяджэнне выканкама асацыяцыі „Федэрацыя хакея Рэспублікі Беларусь“, на якім будзе абмяркоўвацца праект па развіцці хакея ў Рэспубліцы Беларусь на 2011—2014 гг., дзе плануецца разгледзець пытанне, а

б абмежаванні ўзросту ўдзельнікаў чэмпіянату краіны ў экстралізе да 25 гадоў»,

— пішуць аўтары звароту, які паступіў у БелаПАН па электроннай пошце без подпісаў канкрэтных гульцоў.

Хакеісты сцвярджаюць, што апошнім часам ФХРБ ужо прыняла «шэраг дэструктыўных рашэнняў, якія, замест чаканага выніку, планамерна разбуралі АЧБ, былі страчаны найбольш таленавітыя хакеісты, на краю прорвы ДЗЮСШ». Паводле слоў аўтараў, зараз у АЧБ гуляе некалькі дзясяткаў прафесійных хакеістаў старэйшых за 25 гадоў.

«Многія маладыя гульцы, каму сёння 24, 23, 22 і тым больш менш, задумаюцца, ці працягваць сумнеўную хакейную кар`еру ці, пакуль не згублены час і здароўе, набываць іншую прафесію, — гаворыцца ў лісце. — Мала хто з бацькоў аддасць свайго сына ў хакейную школу, ведаючы, што ў 25 гадоў прафесійная кар`ера, хутчэй за ўсё, закончыцца і дзіця папоўніць армію беспрацоўных, прычым у 25 гадоў не маючы ні спецыяльнай адукацыі, ні прафесіі».

«Калі мэта ўзроставага абмежавання — падрыхтаваць змену гульцам у КХЛ, то ўзровень лігі, у якой хакеісты павышаюць свой прафесійны ўзровень, павінен не падаць, а расці. У сувязі з чым няма іншага шляху, як развіваць і павышаць узровень свайго чэмпіянату, выкарыстоўваючы прафесійныя навыкі спрактыкаваных гульцоў, у тым ліку і ветэранаў», — перакананы аўтары звароту.

На іх думку, калі праз пяць-шэсць гадоў, у выпадку прыняцця рашэння аб абмежаванні ўзроставага цэнзу, беларускія прыхільнікі хакея і прыйдуць на трыбуны «Мінск-Арэны», то паглядзець на 40-гадовых зорак НХЛ і КХЛ у складзе двух беларускіх клубаў, «Дынама» і «Юнацтва», якія дагульваюць свой тэрмін,

але пра будучыню беларускага хакея і нацыянальнай зборнай давядзецца забыць.

Аўтары падкрэсліваюць, што многія гульцы раскрываюцца ў поўную сілу толькі да 30 гадоў, і прыводзяць прозвішчы шэрагу хакеістаў: Міхалёў, Страхаў, Радзінскі, Задзяленаў, Мялешка, Кулакоў, Касцючонак.

У лісце нагадваецца пра арт. 41 Канстытуцыі, які гарантуе права на працу, і пра арт. 14 Працоўнага кодэкса, які забараняе дыскрымінацыю ў сферы працоўных адносінаў, у тым ліку па ўзроставай прыкмеце.

У завяршэнне аўтары прыводзяць, на іх думку, «самы відавочны аргумент»:

«нашаму прэзідэнту А. Р. Лукашэнку 56 гадоў, і ён гуляе ў хакей!»

Атрымаць каментарый наконт ліста ў ФХРБ пакуль не ўдалося.

Хочаш падзяліцца важнай інфармацыяй ананімна і канфідэнцыйна?

0
Мікалай / Адказаць
20.03.2011 / 11:21
Хх... дарэмна яны да Канстытуцыі апелявалі. Цяпер будуць называцца "групай адмарозкаў".
0
gan'ba Lu / Адказаць
20.03.2011 / 12:33
Zusim u kraine drenna,kali admarozki z kamandy Lukashenka uzjalisja navodzic' u hakei svae paradki. Vakol Lukashenka ne zastalosja razumnyh ludzej. Kalos na glinjanyh nagah. Pa za getae i ruhne.
0
Хоккеист / Адказаць
21.03.2011 / 16:41
В открытом чемпионате Беларуси по хоккею введён возрастной лимит: 28 лет+5 игроков старше. Уже можно писать письма в международную федерацию хоккея с требованием исключить Беларусь из федерации и отобрать чемпионат Мира 2014-года в связи с возрастной дискриминацией... https://twitter.com/sporttut
Каб пакінуць каментар, калі ласка, актывуйце JavaScript у наладах свайго браўзеру