У кардынала Свёнтка — чарговы пералом сцягна і паўторная аперацыя 4
А 18 сакавіка ў мінскай архікатэдры падчас святой імшы і крыжовага шляху прайшла малітва аб здароўі кардынала
На мінулым тыдні кардынал Свёнтэк перажыў паўторны пералом косткі сцягна і чарговую аперацыю.
А 18 сакавіка ў мінскай архікатэдры падчас святой імшы і крыжовага шляху прайшла малітва аб здароўі кардынала Казіміра Свёнтка, паведаміў сайт catholic.by
Ксёндз-кардынал Казімір Свёнтак, арцыбіскуп, мітрапаліт Мінска-Магілёўскі на пенсіі, апостальскі адміністратар Пінскай дыяцэзіі 19 мая 2010 года зламаў шыйку левага сцягна. Найстарэйшаму іерарху каталіцкага касцёла Беларусі была праведзена аперацыя ў Мінску. У верасні кардыналу была зроблена паўторная аперацыя ў Любліне. І да студзеня 2011 года ён знаходзіўся на рэабілітацыі ў Польшчы.