20.03.2011 / 22:13

Агульнанацыянальную дыктоўку ў Гродне напісалі больш за 200 чалавек 5

Сярод удзельнікаў — Аляксандр Мілінкевіч з Інай Кулей.

Сярод удзельнікаў — Аляксандр Мілінкевіч з Інай Кулей.

20 сакавіка ў Гродне дыктоўку пісалі больш за 200 чалавек.

Сярод удзельнікаў — Аляксандр Мілінкевіч з Інай Кулей.

Карпюка для гарадзенцаў чытаў Шалкевіч.

20 сакавіка ў Горадні адбылася агульнанацыянальная дыктоўка. Паводле арганізатараў, яны не знайшлі падтрымкі ва ўладаў, якія палічылі яе неабавязковым мерапрыемствам. Аднак удзельнікаў не бракавала: зарэгістравалася больш за дзьвесьце чалавек, сярод іх быў і Аляксандар Мілінкевіч.

Напачатку перад удзельнікамі выступіў гурт сярэдневечнай музыкі «Ірдарат». Затым бард і літаратар Віктар Шалкевіч прадыктаваў тэкст пра стварэньне ў Горадні заапарку за польскім часам. Ён быў надрукаваны ў кнізе пісьменьніка Аляксея Карпюка «Сьлед на зямлі». Дыктоўку пісалі і моладзь і сівыя людзі, школьнікі пачатковых клясаў і ўнівэрсытэцкія прафэсары — Алесь Астроўскі, Аляксей Пяткевіч, Алесь Смалянчук. Яна прайшла пад дэвізам «Горадня з мовай!»

Пасьля заканчэньня дыктоўкі Віктар Шалкевіч прадставіў сваю новую кніжку «Requiem па непатрэбных рэчах», якая выйшла ў «Гарадзенскай бібліятэцы», і пачытаў тэксты з будучай кнігі «Мястэчка G і ваколіцы». Ён таксама выканаў пад гітару некалькі сваіх песень, публіцы найбольш спадабалася адна з новых — пра Славянскі базар.

Глядзі яшчэ: Кастусёў напісаў Агульнанацыянальную дыктоўку з магілёўцамі

Хочаш падзяліцца важнай інфармацыяй ананімна і канфідэнцыйна?

0
пятрашка / Адказаць
20.03.2011 / 23:13
почему никого не арестовали? митинг был санкционирован?
0
З Гароднi / Адказаць
21.03.2011 / 09:38
Ужо ў якi раз прайшла, i кожны год усiм жадаючым не хапае месца.
0
Igard / Адказаць
21.03.2011 / 11:26
Лукашыстам далі зды -- мірна,дэмакратычна,важка.Цэ не можа не радаваць))Чым паболей такіх акцый!Жыве Беларусь!
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру