23.03.2011 / 23:30

Раманчук прызнаўся ў падмане 49

Яраслаў Раманчук прызнаўся, што прапанова працаваць ва ўрадзе, якая нібыта паступіла незадоўга да выбараў, была «качкай», прыдуманай Анатолем Лябедзькам.

Яраслаў Раманчук прызнаўся, што прапанова працаваць ва ўрадзе, якая нібыта паступіла незадоўга да выбараў, была «качкай», прыдуманай Анатолем Лябедзькам.

Як пісалі СМІ, экс-кандыдат у прэзідэнты Яраслаў Раманчук неўзабаве пасьля затрымання выйшаў на свабоду і зрабіў афіцыйную заяву з асуджэннем лідэраў апазіцыі за акцыю на Плошчы.

Сёння ён кажа, што ў той момант проста не вытрымаў псіхалагічнай атакі і зачытаў загадзя напісаную для яго паперу.

«Я не ведаў, хто справакаваў, не ведаў нейкія рэчы, звязаныя з нейкімі сцэнарамі. Гэта проста была рэакцыя, асуджэнне тых, хто не зусім адэкватна павёў сябе ў пэўнай сітуацыі. Калі б мае паказанні былі патрэбныя для распачынання крымінальнай справы, для нейкага тэрміну — тады гэта ўжо іншая справа», — сказаў Раманчук у інтэрв’ю «Салiдарнасцi».

Са словаў палітыка, за сябе ён не баяўся. Для яго галоўным было тое, што ў небяспецы нявінныя людзі, якія могуць пацярпець ад таго, што ён будзе пярэчыць уладам.

А потым «сітуацыя стала развівацца снегавым камяком», і ўжо цяжка разабрацца, дзе рэальная пагроза, а дзе ўяўная.

«Для мяне самым крыўдным было, калі казалі, што мяне купілі. Маўляў, паквапіўся на прапанову працаваць ва ўрадзе. Але такой прапановы ніколі не было. Гэта мне ў свой час Лябедзька прапанаваў зрабіць такі піяр», — кажа Раманчук.

Гэта адбылося за тыдзень да выбараў, калі ён трапіў у аўтамабільную аварыю. Тады Лябедзька і прапанаваў такі піяр-крок: сказаць, што да гэтага Раманчука запрашалі працаваць ва ўрад і ён адмовіўся. У гэтым выпадку аварыя была б падобная да помсты за адмову.

Па словах Раманчука, пасля заявы, зачытанай на Беларускаім ТВ, людзі ўспомнілі гэты «піяр» і сталі казаць, што ён «вырашыў выслужыцца, што прыняў нейкую прапанову ад уладаў».

На самай справе ўсё было разыграна. «Не ведаю, навошта гэта зроблена? — кажа палітык. — Досведу ў такіх сітуацыях ў мяне вельмі мала».

0
Тацьцяна / Адказаць
23.03.2011 / 23:41
"Са словаў палітыка, за сябе ён не баяўся. Для яго галоўным было тое, што ў небяспецы нявінныя людзі, якія могуць пацярпець ад таго, што ён будзе пярэчыць уладам." "«Не ведаю, навошта гэта зроблена? — кажа палітык. — Досведу ў такіх сітуацыях ў мяне вельмі мала»." А.С.Пушкін: "Ай, и глупый же ты бес!.. Ты зачем под кобылу-то подлез?.." Карацей кажучы, схільная раней была да не асуджаць чалавека, але, прабачце,..., хочацца, каб увэб-рэдактары прапусьцілі... Ну якой-жа ты халеры ўсёткі ў кандыдаты палез, калі ты не мужык, а... ...
0
<HHHHH / Адказаць
23.03.2011 / 23:42
Ну вось гэта і праўда нейкая ванючка-гісторыя. І Лябедзьку выстаўляе, праўдзівы Раманчук. Дзе Гек? Я магу з вамі пагадзіцца заранёў. Раманчук - балабол.
0
... / Адказаць
23.03.2011 / 23:42
Сидел бы и молчал бы уже. Девочка.
Паказаць усе каментары/ 49 /
Каб пакінуць каментар, калі ласка, актывуйце JavaScript у наладах свайго браўзеру