24.03.2011 / 16:34

Больш за гадзіну ва ўсёй Беларусі не працавалі банкаматы 12

Цяпер аперацыі з карткамі здзяйсняюцца ў звыклым рэжыме.

Беларускія банкаматы запрацавалі ў звыклым рэжыме. На сайце Беларускага працэсінгавага цэнтру з’явілася інфармацыя з тлумачэннем, чым быў выкліканы збой банкаматаў і інфакіёскаў па ўсёй краіне:

«Інфармуем пра тое, што 24 сакавіка 2011 года ў перыяд з 12:20 да 13:33 у сістэмах ААТ «Банкаўскі працэсінгавы цэнтр» не адбывалася апрацоўка аўтарызацыйных запытаў.

Гэтая сітуацыя не з’явілася тэхнічным збоем. Спыненне праграмнага комплексу апрацоўкі аўтарызацыйных запытаў у рэжыме рэальнага часу ажыццявіў абслугоўваючы персанал у адпаведнасці з дзейснымі інструкцыямі для прадухілення затрымак у прыёме інфармацыі ад абслугоўваных прадпрыемствам банкаў, якая ўтрымлівала актуальныя дадзеныя па рахунках кліентаў.

Цяпер сістэма апрацоўкі аперацый з карткамі банкаў працуе ў штатным рэжыме рэальнага часу. Прыносім свае выбачэнні ўсім трымальнікам карт за прычыненыя нязручнасці».

Іншымі словамі, супрацоўнікі працэсінгавага цэнтра «націснулі на рубільнік» і спынілі працу усіх банкаматаў у краіне.
Маўляў, гэта прадугледжвала ўнутраная інструкцыя.

Нагадаем, што апоўдні ўладальнікі пластыкавых картак сутыкнуліся з непрыемнай навіной — яны не маглі атрымаць свае грошы ў банкаматах альбо аплаціць тавар у крамах. Тэхнічны збой пацвердзілі прэс-службы беларускіх банкоў, пераклаўшы віну на «Беларускі працэнсігавы цэнтр», які аблугоўвае ўсе банкаматы і інфакіёскі ў краіне. Гэтая арганізацыя, у сваю чаргу, не давала ніякіх тлумачэнняў, спасылаючыся на «тэхнічныя праблемы». Адключэнне банкаматаў, разам з выразнымі дэвальвацыйнымі чаканнямі, стварыла паніку сярод насельніцтва.

ЯВ

0
Андрусь М. / Адказаць
24.03.2011 / 16:53
Ну нафіх, трэба забіраць усе свае грошы з картак -- ні рубля на карыстаньне рэжыму! тым больш з такой нестабільнасьцю.
0
wolf / Адказаць
24.03.2011 / 16:55
У господ из процессингового центра наверное понятия нет что такое регламентные работы и в какое время их обычно проводят, а что касается того что кто-то не смог расплатится за еду или еще что-то, то это как всегда у нас- называется нас....рать. Это также косвенно говорит о технической их подготовке. Вообщем как и везде- бардак.
0
Авіятар / Адказаць
24.03.2011 / 17:09
свае грошы траба здымаць з гэтых картак і ў кішэні лажыць... як ні як, але ўсе ж бліжэй да сябе))
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру