24.03.2011 / 17:11

Начальнік аховы Гродзенскай вобласці, які скончыў жыццё самагубствам, быў пад следствам 9

Пракуратура вобласці высвятляе прычыны самагубства Вадзіма Раманюка.

Пракуратура вобласці высвятляе прычыны самагубства Вадзіма Раманюка.

Як стала вядома, напярэдадні Генеральная пракуратура распачала ў дачыненні да яго крымінальную справу па артыкуле «Злоўжыванне ўладай і службовымі паўнамоцтвамі».

Нагадаем, 2 сакавіка палкоўніка дасталі з пятлі. Як растлумачылі ў пракуратуры, міліцыянт забіў сябе. Па словах таварышаў па службе, яго знайшлі дзяжурныя супрацоўнікі Дэпартамента аховы, якія прыйшлі праверыць кватэру начальніка па просьбе яго жонкі. Жонка Вадзіма Раманюка, якая жыве ў Брэсце, наракала на тое, што не можа датэлефанавацца да мужа.

Чатыры гады таму Вадзім Раманюк прыехаў з Брэста кіраваць Гродзенскай абласной аховай. Магчыма, на адчайны крок палкоўнік пайшоў з-за крымінальнага пераследу.

Аказалася, што

Генеральная пракуратура зацікавілася палкоўнікам яшчэ ў 2009 годзе і ініцыявала ў дачыненні да яго расследаванне. Тады следчы пракуратуры Жабінкаўскага раёна правяраў факты, якія маглі сведчыць, што Вадзім Раманюк злоўжываў уладай і службовымі паўнамоцтвамі.

Інфармацыю для праверкі перадалі супрацоўнікам Камітэта дзяржаўнай бяспекі. Міліцыянт падазраваўся ў тым, што працуючы ў раённым аддзеле брэсцкай аховы, выкарыстоўваў у асабістых мэтах службовы транспарт. Правяраліся таксама звесткі, якія казалі, што падначалены Вадзіма Раманюка ў працоўны час быў заняты не на службе, а працаваў на дачы начальніка, размешчанай у Брэсцкім раёне.

Па словах намесніка пракурора пракуратуры Жабінкаўскага раёна Брэсцкай вобласці Алены Сідарук, у той час следчы, праверыўшы матэрыялы справы, адмовіў ва распачынанні справы ў дачыненні да Вадзіма Раманюка. Тым не менш у гэтым годзе Генеральная пракуратура, улічваючы ранейшыя падазрэнні, усё ж пачала крымінальную справу ў дачыненні да высокапастаўленага міліцыянта па артыкуле «Злоўжыванне ўладай і службовымі паўнамоцтвамі».

Амаль усе былыя калегі розных рангаў прыйшлі праводзіць яго ў апошні шлях. Пахаванне адбылося ў Брэсце. Па словах памочніка пракурора Брэсцкай абласной пракуратуры Вольгі Дзмітрук, усе кажуць, што Вадзім Раманюк быў спагадлівым і досыць мяккім чалавекам.

0
Tania / Адказаць
24.03.2011 / 17:41
Звяртаюся да ўсіх чыноўнікай, спецназа і іншых, ня ўжо вы ня бачыце, што кожны, хто атрымлівае штосьці ад Лу адзявае сабе пятлю на шыю ў прамым сэнсе. Ёе дае вам грошы, уладу, каб пасля мець кампраматы, падумайце, кожнага з вас пры жыданні ён можа пасадзіць у турму. Кам гэта трэба? Давайце ўсе абяднаемся і пачнем нарэшце жыць па законам кантытуцыі і эканомікі.
0
Хахаха / Адказаць
24.03.2011 / 18:12
Ржу не могу!!!!
0
Серафим / Адказаць
24.03.2011 / 18:45
Смерть ментам должна быть только от ножа!
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру