24.03.2011 / 22:56

Журналіста цынічна пасадзілі перад Днём Волі 7

Маўляў, Алесь Асіпцоў спраўляў натуральныя патрэбы.

Затрыманы 24 сакавіка ў Магілёве незалежны журналіст Алесь Асіпцоў прыгавораны да трохдзённага адміністрацыйнага арышту за «дробнае хуліганства».

Як паведаміў журналістам і праваабаронцам намеснік начальніка Ленінскага РАУС падпалкоўнік Аляксандр Патаранка, Асіпцоў быў затрыманы супрацоўнікамі патрульна-паставой службы паводле артыкула 17.1 Кодэкса аб адміністрацыйных правапарушэннях за адпраўленне натуральных патрэб у грамадскім месцы. Паводле яго слоў, суд над Асіпцовым адбыўся пасля 17.00, і ён адбывае адміністрацыйны арышт у ізалятары часовага ўтрымання.

Месцазнаходжанне Асіпцова, які быў затрыманы ў 13.45 недалёка ад свайго дома каля гандлёвага цэнтра «Атлант», на працягу некалькіх гадзін заставалася невядомым. Раней са слоў супрацоўніка Ленінскага РАУС маёра Андрэя Цяцерукова паведамлялася, што Асіпцоў быў затрыманы ў скверы 40-годдзя Перамогі і адпраўлены ў адзін з апорных пунктаў. За даванне лжывай інфармацыі на Цяцерукова была пададзена скарга праваабаронцам Барысам Бухелем.

Пазней дзяжурны капітан міліцыі Ігар Каралёў паведаміў, што Асіпцоў быў адпраўлены ў суд Ленінскага раёна Магілёва. Аднак за дваццаць хвілін да закрыцця суда (18.00) у канцылярыі па адміністрацыйных справах і выканаўчай вытворчасці запэўнілі, што ніякай справы Асіпцова не паступала і не разглядалася.

Высветліць месцазнаходжанне журналіста ўдалося толькі пасля звароту ў 18.10 да намесніка начальніка РАУС Патаранкі, які на працягу паўгадзіны па сваіх каналах высвятляў, якім канвоем Асіпцоў быў дастаўлены ў суд і дзе затрыманы знаходзіцца цяпер. Магілёўскія апазіцыянеры сумняваюцца, што Асіпцову раптам спатрэбілася спраўляць патрэбу сярод белага дня за два крокі ад свайго дома. У 14.00 ён павінен быў знаходзіцца на пасяджэнні камісіі па справах непаўналетніх, дзе разглядалася справа Ганны Шкадун, удзельніцы несанкцыянаванага пікета салідарнасці 16 студзеня. Актывісты бачаць у арышце Асіпцова спробу перашкодзіць яму асвятляць мерапрыемствы апазіцыі, прымеркаваныя да Дня абвяшчэння незалежнасці БНР.

0
Кнехт / Адказаць
24.03.2011 / 23:53
Актывісты бачаць у арышце Асіпцова спробу перашкодзіць яму асвятляць мерапрыемствы апазіцыі, прымеркаваныя да Дня абвяшчэння незалежнасці БНР. ================ РБ-УЛАДЫ РОБЯЦЬ ІНВАЛІДАЎ Спярша пераб'юць ногі, затым адаб'юць ныркі, затым, для засцярогі, пазбавяць ірта дзіркі. Выснова: гэтыя ўлады, адно, цурбалкам рады.
0
Міколка / Адказаць
24.03.2011 / 23:56
Сягодні ты "жыве" крычыш А заўтра ў падваротні сцыш . У мінулую кампанію тоькі мацюкаліся .Авой-авой . што ж будзе далей !
0
Міколка / Адказаць
25.03.2011 / 02:01
паводле артыкула 17.1 Кодэкса аб адміністрацыйных правапарушэннях за адпраўленне натуральных патрэб у грамадскім месцы А ці ня ёсць прага да свабоды натуральнаю патрэбаю індывідыюма? Калі не - то значыць гэтая патрэба ненатуральная з усімі выцякаючымі . Калі да , то прымяненне Адм.Кодэкса цалкам апраўданае .
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру