Беларусь мае намер адмовіцца ад калючага дроту на мяжы 8

Аб гэтым учора ў Пружанах у ходзе сустрэчы з жыхарамі раённага цэнтра заявіў старшыня Дзяржаўнага пагранічнага камітэта Беларусі Ігар Рачкоўскі, перадае БЕЛТА.

У гэтым годзе на граніцы плануецца пачаць адключэнне інжынерных сістэм. «Наша задача сёння ў тым, каб не ставіць бар’еры, а дапамагаць людзям, — адзначыў старшыня Дзяржпагранкамітэта. — 

Нам такая граніца ўжо не патрэбна, гэта анахранізм.

Быў перыяд, калі пасля развалу Савецкага Саюза мы выконвалі свой партнёрскі абавязак у адносінах да краін-суседзяў. Сёння таго шматтысячнага патоку мігрантаў у Заходнюю Еўропу з нашага напрамку няма, а тыя адзінкавыя выпадкі, якія мы маем цяпер, не вартыя тых затрат, якія Беларусь нясе на ўтрыманне сістэмы».

Звязда

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ