02.04.2011 / 18:43

Лук’янаў: Расія будзе ставіць усё больш жорсткія ўмовы 17

Галоўны рэдактар часопіса «Россия в глобальной политике» Фёдар Лук’янаў пракаментаваў для «НН» апошнія тэндэнцыі ў беларуска-расійскіх адносінах.

Галоўны рэдактар часопіса «Россия в глобальной политике» Фёдар Лук’янаў пракаментаваў для «НН» апошнія тэндэнцыі ў беларуска-расійскіх адносінах.

«Наша Ніва»: Ці прагягне Расія фінансаванне/крэдытаванне беларускай улады?

Фёдар Лук’янаў: Думаю, што новыя крэдыты з’явяцца. Толькі што ўмовы будуць усё больш жорсткімі. Замежныя донары, міжнародныя арганізацыі ж таксама выдзяляюць грошы пад пэўныя ўмовы рэфармавання ў гаспадарцы, якія адпавядаюць задачам крэдытораў. Гэта робіцца для таго, каб была большая імавернасць вяртання гэтых крэдытаў. Напэўна,

час бязвыплатнай, палітычна матываванай дапамогі канчаецца.
Цяпер прыспела пара такіх прагматычных стасункаў.

«НН»: Фінансуючы Лукашэнку, Расія імкнецца да ўмацавання залежнасці Беларусі?

ФЛ: Я б не ставіў так пытанне. Масква імкнецца да ўмацавання і развіцця тых праектаў, што здзяйсняюцца ў рамках адносін Расіі, Беларусі і Казахстана. Гэта найперш ідэі Мытнага саюза. Натуральна, што

Масква будзе настойваць на ўмовах выгадных для сябе,
а задача Мінска — выбіванне ўмоваў выгадных для ўсіх удзельнікаў. Мяркую, што бакі будуць таргавацца да апошняга. Але ў гэтым няма нічога кепскага.

«НН»: Ці ёсць такі варыянт, што Расія зусім адмовіць Лукашэнку ў грошах?

ФЛ: У выпадку вострага палітычнага канфлікту — так. Але думаю, што ініцыяваць гэта можа толькі сам Лукашэнка. Беларускі лідар чалавек азартны, ён не баіцца ісці на абвастрэнне. Калі ж гэта не будзе пераходзіць межаў звычайнага торгу, то нічога не зменіцца.

Зміцер Панкавец

0
Бабулька / Адказаць
02.04.2011 / 19:28
"Беларускі лідар чалавек азартны, ён не баіцца ісці на абвастрэнне." Ён не азартны, але хлуслiвы, злостны чарвяк, якi можа iзвiвацца ды накланяцца, прасiць грошы и класцi iх у кишеню. I атадраць яго ад карыта можа толькi ШОС.
0
Голос из зала / Адказаць
02.04.2011 / 20:19
...хлуслiвы, злостны чарвяк, якi можа iзвiвацца ды накланяцца ,атадраць яго ад карыта... Уберите из форума сумасшедших пенсионерок. Они ничего не понимают в политике и в беларускай мове.
0
вопрос / Адказаць
02.04.2011 / 20:45
Это он с таким выражением лица любит Россию, или белорусский народ?
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру