11.04.2011 / 09:58

У Беларусі абмежаваны доступ да сайтаў «Хартыя-97» і «Беларускі партызан» 26

Доступ да гэтых сайтаў будзе абмежаваны з дзяржаўных установаў, а таксама ва ўніверсітэтах.

Дзяржаўная інспекцыя па электрасувязі ўнесла сайты Charter97.org і Belaruspartisan.org у спіс абмежаванага доступу. Зараз да іх не будзе прамога доступу з дзяржаўных установаў.

Генпракуратура 23 сакавіка 2011 года вынесла пастановы аб абмежаванні доступу да незалежных навінавых сайтаў «Хартыя’97» і «Беларускі партызан». Падставай для блакавання непажаданых сайтаў выстаўляюць Закон Рэспублікі Беларусь «Аб масавых мерапрыемствах у Рэспубліцы Беларусь».

На думку пракуратуры, гэтыя сайты парушылі частку 2 артыкула 8 «Да атрымання дазволу на правядзенне масавага мерапрыемства яго арганізатар (арганізатары), а таксама іншыя асобы не маюць права абвяшчаць у сродках масавай інфармацыі аб даце, месцы і часу яго правядзення, вырабляць і распаўсюджваць з гэтай мэтай ўлёткі, плакаты і іншыя матэрыялы». Магчыма, гаворка ідзе аб абвестках пра Плошчу і Дзень Волі.

З 7 красавіка большасць беларускіх інтэрнэт-правайдэраў атрымалі абноўлены спіс абмежаванага доступу і абавязаны ў адпаведнасці з указам № 60 заблакаваць доступ да гэтых сайтаў для дзяржаўных органаў і арганізацый, а таксама арганізацый адукацыі і культуры.

Сяргей Гезгала

0
Kultureman / Адказаць
11.04.2011 / 10:14
Можна было б ў дадатак да артыкула змясціць спіс забароненых сайтаў.
0
gribchic / Адказаць
11.04.2011 / 10:24
не знаю с чем связано но сейчас 11.04.11 10.24 сайт партизана недоступен (сидим на байфлае)
0
Міхась / Адказаць
11.04.2011 / 10:32
У мяне і з дому не адчыняецца не адзін, не другі...
Паказаць усе каментары/ 26 /
Каб пакінуць каментар, калі ласка, актывуйце JavaScript у наладах свайго браўзеру