11.04.2011 / 18:08

Крывавы панядзелак. Выбух на «Кастрычніцкай»: фоты і відэа з месца здарэння абнаўляецца 193

На станцыі «Кастрычніцкая» ў гадзіну пік, а 17.54, адбыўся выбух. Не менш за 12 чалавек загінула, 150 паранена.

На станцыі «Кастрычніцкая» ў гадзіну пік, а 17.54, адбыўся выбух. Не менш за 12 чалавек загінула, 150 паранена.

У выніку выбуху ў мінскім метро загінулі як мінімум 12 чалавек, паведамляюць крыніцы ў праваахоўных органах. Траўмы рознай ступені цяжкасці атрымалі не менш за 150 асобаў. Траўмы пацярпелых — у асноўным апёкі і пашкоджанне ніжніх канечнасцяў — сведчаць аб выбуху магутнай сілы. Выбуховая хваля даляцела да суседніх станцый метро. А ў вестыбюлі «Кастрычніцкай» сарвала бляшаныя падвясныя столі. 22 параненыя, пераважна з адарванымі канечнасцямі, знаходзяцца ў цяжкім стане ў рэанімацыі Бальніцы хуткай дапамогі і іншых сталічных шпіталяў.

Удакладненыя спісы пацярпелых, а таксама інфармацыю пра патрэбы ў крыві для параненых шукайце ў іншых артыкулах на сайце «Нашай Нівы».

Выбух адбыўся на станцыі метро «Кастрычніцкая». Гэта ўсяго за пару соцень метраў ад рэзідэнцыі прэзідэнта Беларусі. Абедзве лініі метро застаюцца закрытай для руху. У цэнтры Мінска некалькі гадзін панаваў транспартны хаос.

А 20.15 на месца здарэння прыбыў Аляксандр Лукашэнка, які заявіў, паведамляе агенцтва «Інтэрфакс», што «ўзяў сітуацыю ў Мінску пад асабісты кантроль». Гэта адбылося пасля экстранай нарады з ягоным удзелам. На месца трагедыі ён прыехаў са сваім маленькім сынам Колем.

Каардынатарам групы па расследаванні выбуху прызначаны намеснік генеральнага пракурора Швед — асоба, якую называлі чалавекам Віктара Лукашэнкі ў генпракуратуры.

«Крыць няма чым. У гэтым вінаваты толькі мы», — прызнаў Аляксандр Лукашэнка.

«Без вас нам цяжка будзе знайсці гэтых уродаў. Нам трэба будзе ваша дапамога», — звярнуўся ён да грамадзянаў.

«Прааналізуйце, каму не падабалася стабільнасць», — запатрабаваў Лукашэнка ад сілавікоў. Ягоны голас не выдаваў эмоцый, у ягонай міміцы і жэстыкуляцыі не было нервознасці.

«Мужыкі, нам кінуты сур’ёзны выклік, патрэбны адэкватны адказ і ён павінен быць знойдзены», — заявіў Лукашэнка.

«Я вас папярэджваў, што нам спакойнага жыцця не дадуць. Хто яны? І з адказам на гэтае пытанне прашу паспяшацца», — падкрэсліў Лукашэнка.

Ён загадаў прыняць дапамогу Расіі ў расследаванні тэракта і ў аказанні дапамогі пацярпелым.

Лукашэнка даў загад абвесціць дзень жалобы ў Мінску.

Каментатар АНТ Міхальчанка амаль адразу пасля выбуху ўсклаў віну за здарэнне на ворагаў стабільнасці, якія апанаваныя сваімі ідэямі.

За аналагічным тэрактам 3 ліпеня 2008 года ішла хваля арыштаў і ператрусаў, якая ўдарыла найперш па палітычных праціўніках Аляксандра Лукашэнкі. Вінаватых так і не знайшлі, але прагналі ўсё дарослае насельніцтва праз дактыласкапію.

Ахвяры выбуху ў мінскім метро. Асцярожна: шакуючыя фоты:

Фота Reuters.

Фота Сяргея Гудзіліна, «Наша Ніва».

Труп каля Дома афіцэраў. Фота Юліі Дарашкевіч, «Наша Ніва».

Фота Сяргея Гудзіліна, «Наша Ніва».

Фота Сяргея Гудзіліна, «Наша Ніва».

Фота Сяргея Гудзіліна, «Наша Ніва».

Фота Сяргея Гудзіліна, «Наша Ніва».

Фота Сяргея Гудзіліна, «Наша Ніва».

Фота Сяргея Гудзіліна, «Наша Ніва».

Фота Сяргея Гудзіліна, «Наша Ніва».

Фота Сяргея Гудзіліна, «Наша Ніва».

Фота Сяргея Гудзіліна, «Наша Ніва».

Фота Сяргея Гудзіліна, «Наша Ніва».

Фота Сяргея Гудзіліна, «Наша Ніва».

Фота Сяргея Гудзіліна, «Наша Ніва».

Фота Сяргея Гудзіліна, «Наша Ніва».

Фота Сяргея Гудзіліна, «Наша Ніва».

Фота Сяргея Гудзіліна, «Наша Ніва».

Фота Юліі Дарашкевіч, «Наша Ніва».

Фота Юліі Дарашкевіч, «Наша Ніва».

Фота Юліі Дарашкевіч, «Наша Ніва».

Фота Юліі Дарашкевіч, «Наша Ніва».

Фота Юліі Дарашкевіч, «Наша Ніва».

Фота Юліі Дарашкевіч, «Наша Ніва».

Фота Юліі Дарашкевіч, «Наша Ніва».

Сведчанні пацярпелых ад выбуху на «Кастрычніцкай». Рэпартаж Белсата:

Рэпартаж СТВ:

Выбух на «Кастрычніцкай». Відэа LifeNews:

Першымі нам пра выбух паведамілі чытачы. На момант прыезду на плошчу рэпарцёраў, з падземных пераходаў ішоў дым. На Плошчы стаяў пах гарэлага. Машыны хуткай дапамогі стаялі па ўсёй даўжыні Плошчы. Людзі выходзяць з падземных пераходаў, які вядуць у метро, некаторых пацярпелых выносяць. Многія людзі скрываўленыя, абпаленыя. Такую карціну назіралі рэпарцёры «Нашай Нівы».

Выбух адбыўся на станцыі «Кастрычніцкая», з боку ГУМа.

Да месца здарэння неўзабаве з’ехаліся дзясяткі машын пажарных, хуткай дапамогі і міліцыі.

Параненых выносілі і выводзілі з розных выхадаў са станцыі «Кастрычніцкая». Параненых былі дзясяткі.

Рэпарцёры «Нашай Нівы», якія прыбылі на Плошчу праз некалькі хвілін пасля здарэння, бачылі, як з падземнага пераходу выбягаюць шакаваныя людзі. Вопратка некаторых з іх абсыпаная тынкоўкай. Паводле іх словаў, на станцыі нешта гучна выбухнула.

Рух па праспекце Незалежнасці для аўтамабіляў быў перакрыты прыкладна на гадзіну. Пешаходаў з Плошчы неўзабаве адцясніў спецназ.

Відавочцы казалі пра шматлікія ахвяры.

Хлопец, які выйшаў са станцыі, паведаміў рэпарцёру «Нашай Нівы», што бачыў людзей з адарванымі нагамі. Журналістка «Нашай Нівы» бачыла, як да хуткай дапамогі вынеслі жанчыну з адарванай ступнёй.

На выхадах з метро ў бок ГУМа і ў бок Дома афіцэраў сядзелі і ляжалі параненыя. Некаторыя без прытомнасці, з вельмі цяжкімі раненнямі. Людзі на вуліцы дапамагалі дактарам аказваць ім дапамогу.

У цэлым панавала выдатная арганізаванасць. Медыкі і пажарнікі дзейнічалі ў дасканалым парадку. Людзі на вуліцах праяўлялі салідарнасць, паводзілі сябе разумна.

Неўзабаве міліцыянты ачапілі хуткія, каб забяспечыць умовы для працы дактароў.

Большая частка пацярпелых знаходзілася з боку ГУМа.

Трупы ляжалі на тратуарах, накрытыя цэлафанам і матэрыяй.

«Я стаяў на сярэдзіне перона „Кастрычніцкай“, бліжэй да кірунку на Уручча, — расказаў „Нашай Ніве“ відавочца. — Цягнік ужо прайшоў, я на яго не паспеў. Выбух адбыўся ў процілеглым баку станцыі, з боку ГУМа. Адразу ўзнялося шмат пылу, людзі закрычалі. Бачыў акрываўленых».

Аляксандр Лукашэнка сабраў экстраную нараду з нагоды здарэння. Лукашэнкаўскія СМІ паведамляюць, што ім дадзена даручэнне пра ўзмацненне мераў бяспекі. На нарадзе Лукашэнка даў заданне сілавікам праверыць усе склады, дзе захоўваецца выбухоўка, а таксама правесці ўсе неабходныя праверкі. Некаторыя назіральнікі мяркуюць, што зараз можа адбыцца чарговая хваля ператрусаў у актывістаў апазіцыі і арыштаў палітычных праціўнікаў Лукашэнкі, як тое было пасля выбуху 3 ліпеня 2008 года.

Сачыце за інфармацыяй праз «Нашу Ніву».

NN.BY

0
Frai / Адказаць
11.04.2011 / 18:11
Что-то у нас в последнее время страна превратилась в самый настоящий дурдом
0
Таццяна Елавая / Адказаць
11.04.2011 / 18:14
толькі што паведаміла мая сяброўка: "только что позвонил друг близкий, ехал домой в метро. очень возбужденно и напуганно сообщил что на октябрьской ст.метро произошел взрыв.. я не знаю масштабов, но кровь он видел. взрыв произошел в одном из соседних вагонов. прямо на станции. или на платформе. сейчас вышел идет пешком."
0
гость / Адказаць
11.04.2011 / 18:24
ужас...
Паказаць усе каментары/ 193 /
Каб пакінуць каментар, калі ласка, актывуйце JavaScript у наладах свайго браўзеру