13.04.2011 / 17:12

З 20 красавіка стаўка рэфінансавання павышаецца да 13%, вырастуць стаўкі па крэдытах і дэпазітах 2

Нацбанк спадзяецца вярнуць дэпазіты насельніцтва назад у банкі.

З 20 красавіка стаўка рэфінансавання павялічыцца на 1% і складзе 13%.

Апошняе павелічэнне адбылося 16 сакавіка, тады стаўка вырасла на 1,5%. Гэта прывяло да масавых чутак аб дэвальвацыі.

Летась Нацбанк шэсць разоў зніжаў стаўку рэфінансавання на 0,5%.

Рост стаўкі рэфінансавання павялічыць прыбытак ад рублёвых укладаў. Гэта, на думку прадстаўнікоў Нацбанка, заахвоціць людзей вяртаць у банкі дэпазіты, забраныя апошнім часам.

Разам з тым, павялічацца і стаўкі крэдытаў.

Вось як выглядае афіцыйнае паведамленне Нацбанка:

Пастанова ад 11.04.2011 № 127 прынята Упраўленнем Нацыянальнага банка з улікам бягучага ўзроўня інфляцыі. Індэкс спажывецкіх цэн у сакавіку склаў 101,9%, асноўнымі прычынамі яго росту стала павелічэнне цэн на бензін і шэраг харчовых тавараў.

Павышэнне ўзроўня стаўкі рэфінансавання і, адпаведна, працэнтных ставак па ўкладах у беларускіх рублях стане дадатковай мерай па падтрыманні станоўчага значэння рэальных ставак грашовага рынка і стымуляванні прытоку зберажэнняў у банкі.

Нацыянальны банк і далей працягне падтрымліваць узровень працэнтных ставак, які забяспечвае захаванасць і прывабнасць рублёвых укладаў насельніцтва і арганізацый у банках, што садзейнічае ўмацаванню фінансавай стабільнасці з улікам развіцця знешніх і ўнутраных эканамічных працэсаў.

ЯВ

0
ДедДомОвец / Адказаць
13.04.2011 / 22:04
Что и требовалось доказать - 0 комментариев
0
Віталь Z / Адказаць
13.04.2011 / 23:35
Ну чаму ж? Народ і пасьля 19.12 адыйшоў і жыцьцё нармалізавалася. І тут народ пабачыць: тэрарыст падымае цэны ўверх, а яшчэ забівае людзей у мэтро. Ён адэкватна падумае - навошта нам такі жорсткі рэжым і перастане баяцца, бо лепей памерці на барыкадах чымся па дурноце ад крыважэрнасьці тэрарыста №1. P.S. Праблема пралікаў ФСБ у тым, што яны наіўна думаюць, што "белорусы русскіе люді" - праблема ў іхніх мазгах ярка так вылазіць, і беларусы добра ўсьведамляюць, што насамрэч адбываецца.
Каб пакінуць каментар, калі ласка, актывуйце JavaScript у наладах свайго браўзеру