Крымінальная справа за рабаванне распачата ў дачыненні да 31-гадовага гамяльчаніна, які спрабаваў выкрасці пушку для ахвяраванняў у галоўным праваслаўным храме абласнога цэнтра.
Як паведамілі БелаПАН у прэс-службе УУС Гомельскага аблвыканкама, у ноч на 24 красавіка мужчына, які нідзе не працуе, знаходзіўся ў цэнтральным парку каля сабора Пятра і Паўла, дзе праходзіла начное велікоднае богаслужэнне. Гамяльчанін паспрабаваў адкрыта выкрасці скрыню для ахвяраванняў храму, у якой знаходзілася амаль 100 тысяч рублёў. Мужчына затрыманы.
Алена Германовіч, БелаПАН
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
