26.04.2011 / 18:27

Цана на газ для Еўропы ўдвая вышэйшая, чым для Беларусі 4

Паводле прагнозаў расійскага газавага манапаліста, кампаніі «Газпром», да канца года цэны на пастаўкі газу ў Еўропу па доўгатэрміновых кантрактах вырастуць да 500 даляраў за тысячу кубаметраў.

«Еўрапейскі рынак газу б’е ўсе рэкорды: напрыклад, у красавіку пастаўкі „Газпрома“ на экспарт будуць большыя, чым у асобныя зімовыя месяцы, а на снежань мы ўжо бачым цану газу па нашых доўгатэрміновых кантрактах на ўзроўні 500 даляраў. І думаю, гэта не апошнія рэкорды, якія мы зафіксуем сёлета», — заявіў кіраўнік «Газпрома» Аляксей Мілер.

«Газпром» прадае прыродны газ у Еўропу ў асноўным па доўгатэрміновых кантрактах. Аднак некаторыя еўрапейскія спажыўцы перыядычна выказваюць незадаволенасць гэтым фактам і настойваюць на прывязцы цаны да спотавых. У прыватнасці, у пачатку вясны гэтага года нямецкі E. On заявіў, што кантрактныя цэны на газ павінныя задавальняць усе бакі. Дарагоўля газу, які пастаўляецца па доўгатэрміновых кантрактах, у параўнанні са спотавым рынкам «з’ела» частку прыбыткаў E. On у мінулым фінансавым годзе, што выклікае незадаволенасць нямецкай кампаніі.

У цэлым па Еўрасаюзе газавы імпарт на 42% забяспечваецца за кошт паставак расійскага газу.
Першы доўгатэрміновы кантракт на пастаўкі прыроднага газу ў Германію быў складзены яшчэ ў 1970 годзе тэрмінам на 20 гадоў.
Што да Беларусі, то паводле прагнозаў Мінэканразвіцця, сярэдняя цана газу складзе тут 250 даляраў за тысячу кубоў.
У 2012 годзе цана газу складзе 258,6 даляраў, у 2013 — 251 даляр, а ў 2014 — 256,3 даляра за 1 тыс. куб. метраў.

0
iкакнамiчэскау чуда / Адказаць
26.04.2011 / 18:48
Затое ў Беларусi цэны на тавары i харчы ўжо вышэй чым у Еўропе.
0
Спадар / Адказаць
26.04.2011 / 20:37
А мы удивляемся - зачем нам АЭС!
0
Варган / Адказаць
26.04.2011 / 23:41
Беларусь таксама Эўропа. Ня варта блытаць Эўропу з супольнасьцёвай Эўропай.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру