Старшыня Мінскага гарвыканкама прапануе шукаць валюту ў людзей 21
«Валюты ў краіне дастаткова. У беларускага насельніцтва сфармаваныя накапленні ў 12–14 мільярдаў долараў».
«Валюты ў краіне дастаткова, — заявіў журналістам старшыня Мінгарвыканкама Мікалай Ладуцька 1 мая на святочным мітынгу Федэрацыі прафсаюзаў Беларусі ў Мінску. — Сёння ўжо і залежныя, і незалежныя эканамісты кажуць, што ў беларускага насельніцтва сфармаваныя накапленні ў 12–14 мільярдаў долараў».
Кіраўнік гарадскіх уладаў нагадаў, што ў мінулую пятніцу прэм’ер-міністр Міхаіл Мясніковіч быў з візітам у Салігорску (Мінская вобласць), на закладцы новага завода па вытворчасці мінеральных угнаенняў. «Беларуская калійная кампанія ўстойліва працуе ў партнёрстве з расійскімі кампаніямі, — паведаміў Ладуцька. — І сотні тысяч тон штомесяц адгружаюцца спажыўцам — яны расплачваюцца валютай, якая паступае ў Нацыянальны банк. Але мы кажам пра іншае: сёння за валюту мы купляем нафту, газ, медыкаменты. У каго з мінчан сёння дома не было гарачай вады, была адключаная электраэнергія, зімой заставаліся халоднымі батарэі? Чатыры дні выхадных — людзі выязджалі за горад. 12 тон шашлыкоў куплена — мяса ж не падаражэла, як, дапусцім, імпартныя шакаладкі, на 60%, праўда?
Начальнік ДАІ ГУУС паведамляў, што 3 мая будзе ўзнімаць два верталёты і сачыць, як у Мінск з’язджаюцца з усіх напрамкаў аўтамабілісты. Таму што, калі не рэгуляваць рух з неба, то яны проста не заедуць. Дык што гэта, скажыце — які валютны крызіс?»
А вось што казаў кіраўнік афіцыйных «прафсаюзаў» Леанід Козік:
