Улады Беларусі загадалі пакінуць тэрыторыю краіны яшчэ тром расійскім праваабаронцам, якія меліся назіраць за судовымі працэсамі над абвінавачванымі ў справе 19 снежня.
Любоў Захарава, Кацярына Карасталёва і Ірына Пайкачава былі дастаўленыя ў Савецкі РАУС г. Мінску. Ім паведамілі, што яны ўнесеныя ў спіс асобаў, знаходжанне якіх на тэрыторыі Беларусі забаронена альбо непажадана.
За апошнія тры месяцы ўезд у Беларусь быў забаронены як найменш 10 расійскім і ўкраінскім грамадзянам, якія выконвалі функцыі назіральнікаў міжнароднай місіі. З гэтай нагоды МЗС Расіі выказаў шкадаванне.
0
0
0
0
0
0
