16 сьнежня аб 11-ай гадзіне на менскай Кальварыі адбылося ўрачыстае адкрыцьцё надмагільнага помніку аднаму з пачынальнікаў беларускага нацыянальнага руху ў пачатку ХХ стагоддзя Вацлаву Іваноўскаму.
Адразу пасьля пахаваньня на магілцы быў усталяваны крыж з памятнаю шыльдаю. Але пасля 3 ліпеня 1944 году шыльдачка неўзабаве зьнікла. Пазьней зьнік і сам крыж, які быў адноўлены толькі ў 1990 годзе, да 110 юбілею прафэсара.
Новы помнічак з чырвонага граніту быў асьвечаны сьвятаром з Кальварыйскага касьцёлу.
Прысутныя ўшанавалі памяць заснавальніка выдавецкай супокі «Загляне сонца і ў наша аконца» ўрачыстай прамоваю, сумеснай малітваю ды гімнам «Магутны Божа».
Пэўны час лічылася, што Вацлаў Іваноўскі быў забіты ў сьнежні 1943 году савецкімі партызанамі, але сёньня ёсьць падставы меркаваць, што напад быў зарганізаваны па загадзе рэйхскамісара Готберга.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі9
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3838
Каментары