13.05.2011 / 14:42

Ноч музеяў у Гродне: азартныя гульні, фокусы і бодзі-арт 3

Гродзенскі дзяржаўны гісторыка-археалагічны музей 21 мая праводзіць традыцыйнае мерапрыемства «Ноч у музеі», прысвечанае міжнароднаму дню музеяў.

У гэтым годзе музей падрыхтаваў свята пад назвай «Таямніцы азарта».

Наведавальнікі маюць магчымасць пазнаёміцца з гісторыяй гульняў на выставе, якая будзе працаваць толькі падчас свята, і ў час прэзентацыі «Homo Ludens», пабачыць фокусы, бодзі-арт, даведацца як раскладваюць ігральныя карты прафесійныя круп’е і іншае. Пад час свята будзе паказаны спектакль Тэатра лялек «Пікавая дама».

У Старым замку таксама будуць адбывацца цікавыя мерапрыемствы, сярод якіх — наведванне помніка археалогіі Ніжняй царквы, дзе ўсе жадаючыю змогуць пазнаёміцца з гісторяй археалагічных даследаванняў на Замкавай гары.

Музей прапануе прыняць удзел усіх наведавальнікаў у фотаконкурсе «Ноч у музеі». Фотаздымкі, зробленыя падчас «Ночы ў музеі» дасылайце на электронную пошту fotamuzej@gmail.com з пазнакай «фота 2011». Фотаздымкі будуць размешчаны на сайце музея, а пераможцаў чакае прыз — бясплатнае наведванне «Ночы ў музеі» ў 2012 годзе.

Пачатак «Ночы ў музеі» а 20.00. Тэлефон для даведак 74-33-60. Кошт квітка 15 000 руб. (колькасць квіткоў абмежаваная, іх можна набыць у Новым і Старым замках).

Дзённая праграма

Новы замак

13.00 — узнагароджанне пераможцаў конкурсу «Музей у фарбах»

13.20 — прадстаўленне народнага тэатра-батлейкі

Вечаровая праграма

Новы замак

20.10 — прэзентацыя з гісторыі гульняў «Homo Ludens». Выступленне фокуснікаў-ілюзіяністаў

20.40 — майстрар-клас па раскладцы картаў прафесійнага круп’е

20.40 — мінівыстава «Азартныя гульні», Бодзі-арт

21.30 — прадстаўленне тэатра лялек «Пікавая дама»

22.45 — 24.00 вандроўка па экспазіцыі Новага замка, відэаінсталяцыя «Музей у сучасным свеце. Дыялог».

Стары замак

З 20.00 — прэзентацыя «Археалогія Замкавай гары»

20.00 — 24.00 — вандроўка па экспазіцыі Старога замка, гульні ў двары замка.

nn.by

0
Алёхна / Адказаць
13.05.2011 / 15:33
Файна ў Горадні... У іх замак ёсць... :)
0
грышка / Адказаць
13.05.2011 / 15:40
а чаму грошы бяруць за гэта? ідэя ночы музеяў якраз у бясплатным уваходзе каб народ прыйшоў той, хто не ходзіць... а тут ізноў некалькі чалавек прыйдуць. які сэнс?
0
Грышку / Адказаць
14.05.2011 / 10:26
А вы думаеце, што супрацоўнікі музея самі паставілі спектакль "Пікавая дама", вывучылі фокусы і мастацтва бодзі-арту. Усе гэта робяць акцёры і прафесіяналы, і не забясплатна. Калі б проста выстава і пахадзіць па музеі то можна было б і бясплатна, а калі толькі адзін такі спектакль звычайна у татры каштуе 8 тысяч, то па-мойму нармальна. А 150-200 чалавек па-любому білеты купяць.
Каб пакінуць каментар, калі ласка, актывуйце JavaScript у наладах свайго браўзеру