16.05.2011 / 16:03

ЕС можа ўвесці эканамічныя санкцыі ў дачыненні «Белнафтахіма», «Трайпла», «Белтехэкспарта» і «Беларуськалія» 22

«Але наўрад ці гэта нанясе страты прыватнаму капіталу прэзідэнта».

У Брусэлі вывучаюцца магчымыя эканамічныя санкцыі ў дачыненні да Беларусі. Пра гэта паведамляе бельгійскае выданне Euobserver са спасылкай на дыпламатычную крыніцу. Кіраўнікі пасольстваў краін ЕС у Мінску ўжо адправілі ў Брусэль папярэдні спіс асоб і прадпрыемстваў, у дачыненні да якіх разглядаецца магчымасць увядзення новых абмежавальных мер, паведамляе Euobserver. У гэтым спісе, у прыватнасці, дзяржканцэрн «Белнафтахім», група кампаній «Трайпл», кампанія «Белтехэспорт» і ААТ «Беларуськалій.

«Гэты спіс яшчэ не знаходзіцца на стадыі рэалізацыі: пакуль ён грунтуецца на сьведчаннях тыпу» ён сказаў/яна сказала «Мы павінны быць упэўненыя ў тым, што гэтыя кампаніі сапраўды належаць тым людзям, пра якіх мы думаем. Санкцыі ўводзяцца паступова, каб мы. маглі аказваць ціск у адказ на развіццё сітуацыі», — цытуе дыпламата Euobserver.

Брусэльскае выданне адзначае, што новыя санкцыі «павінны ўдарыць па дзяржаўным бюджэце прэзідэнта Лукашэнкі, не прынёсшы крызісу ў эканоміку краіны.

«Але наўрад ці гэта нанясе страты прыватнаму капіталу прэзідэнта, які, па чутках, асядае ў расійскіх і ўкраінскіх банках, кампаніях, занятых у рыбным бізнэсе, будаўніцтве і продажы нерухомасці, а таксама на афшорных рахунках у Расіі і адной з краін ЕС — гаворыцца у артыкуле. Неабходная сур’ёзная разведвальная аперацыя для таго, каб адсачыць гэтыя грошы І пакуль ніводная краіна Еўрасаюза не гатовая вылучыць сродкі для вырашэння такой задачы».

Спіс можа быць гатовы ўжо да наступнага пасяджэння Савета міністраў ЕЗ па замежных справах, якое пройдзе ў Брусэлі 23 мая.

Нагадаем, 31 студзеня 2011 г. Еўрасаюз увёў візавыя санкцыі ў дачыненні да 157 службовых асобаў Беларусі, у тым ліку ў дачыненні да Аляксандра Лукашэнкі. Адначасова ЕС заявіў, што «застаецца верным сваёй рашучасці ўмацоўваць адносіны з беларускім народам і грамадзянскай супольнасцю».

21 сакавіка Савет міністраў замежных спраў краін ЕС пашырыў спіс. Як адзначалася ў афіцыйным паведамленні, рашэнне было прынятае «ў сувязі з пагаршэннем ў Беларусі сітуацыі з правамі чалавека. Спіс папоўніўся прозвішчамі яшчэ 19 чалавек.

Варта адзначыць, што Злучаныя Штаты Амерыкі ўжо ўвялі эканамічныя санкцыі ў дачыненні канцэрна «Белнафтахім».

Хочаш падзяліцца важнай інфармацыяй ананімна і канфідэнцыйна?

0
Пьяны нэпман / Адказаць
16.05.2011 / 16:07
Грамотный подбор предприятие. Точное бомбометание
0
Алёхна / Адказаць
16.05.2011 / 16:15
ДАЕШ САНКЦЫІ!!!! Хто каго перасядзіць: мы на хлебе й вадзе, ці чыноўнікі без нафтадаляраў.... Мне здаецца, яны здохнуць хутчэй. Наперад!!!...
0
Haag / Адказаць
16.05.2011 / 16:31
Выйдайце лепей ордэр на арышт хворага, пакуль не пачалася грамадзянская.
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру