Міністр фінансаў Беларусі Андрэй Харкавец заявіў, што для стабілізацыі курсу нацыянальнай валюты і выхаду на яе рэальны курс будзе скарочана эмісійнае крэдытаванне эканомікі, скарочаны бюджэтны дэфіцыт і праведзеныя структурныя рэформы.
«Гэта прадугледжвае карэктуючыя меры
Безумоўна, прыватызацыя разглядаецца ў якасці адной з крыніц фінансавання разрыву плацежнага балансу», — адзначыў кіраўнік беларускага Мінфіна ў інтэрв’ю агенцтву
Адказваючы на пытанне аб тым, якім можа быць рэальны курс беларускага рубля, А. Харкавец сказаў, што
«гэта ацэніць рынак, рынак нам пакажа».«Ва ўсякім разе, мы яго (курс — ІФ) павінны зрабіць настолькі рэальным, каб ён не патрабаваў выключэнняў, знясілення нашых золатавалютных рэзерваў», — сказаў ён. «Тады курс будзе стабільным», — дадаў міністр.
А. Харкавец заявіў, што пытанні стабілізацыі сітуацыі на валютным рынку «мы адпрацоўвалі на працягу ўжо двух месяцаў з Расійскай Федэрацыяй, Антыкрызісным фондам ЕўрАзЭС». «Усе нашы разлікі паказваюць на тое, што калі гэтыя меры будуць паспяхова рэалізаваны, то мы можам казаць аб выхадзе на адзіны курс, і нейкіх выдаткаў у сувязі з гэтым мы не чакаем», — працягнуў ён.
Гаворачы аб тэрмінах выхаду на рэальны курс нацыянальнай валюты,
А. Харкавец заявіў, што «нельга назваць канкрэтныя тэрміны».«Кіраўнік дзяржавы запатрабаваў ад нас зрабіць гэта хутка, і таму ўсе дзеянні будуць ажыццяўляцца хутка», — адзначыў міністр фінансаў Беларусі.
