23.05.2011 / 19:06

Даляр — 5000. Прэс-рэліз Нацбанка 10

Сачыце за рукамі — 12%-ны калідор ваганняў кошыка валют нібыта застаецца непарушным. Але цяпер адлічваецца не ад 31 снежня, а ад 24 мая.

Нацбанк нарэшце разрадзіўся прэс-рэлізам, у якім растлумачыў прычыны і наступствы сённяшняй дэвальвацыі.

Курс валюты ў абменніках будзе выстаўляцца на ўзроўні "плюс/мінус 2%" ад афіцыйнага курса. Значыцца, даляры будуць прадавацца (і купляцца) заўтра па 5 028 рублёў.

Праз заніжаны курс валюта ў абменніках ўсё адно не з'явяцца.

12%-ны калідор ваганняў кошыка валют застаецца нібыта непарушным. Але цяпер адлічваецца не ад 31 снежня, а ад 24 мая.

Нарэшце, біржа працуе па-ранейшаму, з прыярытэтам на продаж валюты імпарцёрам медыкаментаў і пастаўшчыкам газа.

Поўны тэкст прэс-рэліза:

Пра ўсталяванне абменных курсаў беларускага рубля

З мэтай выхаду на адзіны раўнаважны курс беларускага рубля на ўсіх сегментах унутранага валютнага рынка Упраўленнем Нацыянальнага банка прынята рашэнне ўсталяваць з 24 мая 2011 г. афіцыйны курс беларускага рубля ў адносінах да даляра ЗША – 4930 беларускіх рублёў за 1 даляр ЗША, афіцыйны курс беларускага рубля ў адносінах да еўра – 6914,82 беларускага рубля за 1 еўра, афіцыйны курс беларускага рубля ў адносінах да расійскага рубля – 173,95 беларускага рубля за 1 расійскі рубель, у адносінах да іншых замежных валют – зыходзячы з крос-курсаў гэтых замежных валют да даляра ЗША (пастанова ад 23.05.2011 № 188).

Адначасова ўсталёўваецца цэнтральнае значэнне рублёвага кошту кошыка замежных валют, роўнае 1810 беларускіх рублёў. Межы дапушчальных ваганняў захоўваюцца на ўзроўні ±12% адносна ўсталяванага цэнтральнага значэння.

Новае цэнтральнае значэнне рублёвага кошту кошыка адпавядае бягучым эканамічным умовам, чаканням большасці ўдзельнікаў рынка і з'яўляецца элементам рэалізуемай Урадам і Нацыянальным банкам макраэканамічнай карэктоўкі, накіраванай на выраўніванне вонкавых дысбалансаў і стабілізацыю працы ўнутранага валютнага рынка.

На працягу апошняга часу курсы, па якіх здзяйсняліся аперацыі па куплі-продажу на пазабіржавым рынку, знаходзіліся ў шырокім дыяпазоне, а ўгоды насілі адрасны характар, што значна змяншала эфектыўнасць і празрыстасць механізму курсаўтварэння і не дазваляла ўдзельнікам рынка прымаць адэкватныя рашэнні.

Усталяванне кошту кошыка на дадзеным узроўні забяспечвае зніжэнне курсу беларускага рубля да даляра ЗША да ўзроўня сярэдняўзважанага курсу, па якім у апошні час здзяйсняліся аперацыі на пазабіржавым рынку (у перыяд з 16 па 18 траўня 2011 г. сярэдняўзважаны курс беларускага рубля да даляра ЗША знаходзіўся ў дыяпазоне ад 4598,36 да 5683,46 беларускіх рублёў за даляр ЗША), што павінна забяспечыць зніжэнне спекулятыўных матываў удзельнікаў рынка і абмежаваць далейшае паслабленне курсу беларускага рубля.

У мэтах выраўнівання ўмоў здзяйснення аперацый куплі-продажы замежнай валюты на розных сегментах валютнага рынка, а таксама памяншэння магчымасцяў для правядзення спекулятыўных аперацый асобнымі ўдзельнікамі рынка, усталёўваюцца лімітавыя значэнні абменных курсаў, па якіх могуць ажыццяўляцца купля-продаж і канверсія замежнай валюты на пазабіржавым рынку і рынку наяўнай замежнай валюты. З 24 мая 2011 г. яны не могуць адрознівацца больш за на 2% у той ці іншы бок ад афіцыйнага курсу беларускага рубля, усталяванага Нацыянальным банкам (пры канверсіі – ад крос-курсу, разлічанага на аснове афіцыйных курсаў беларускага рубля да адпаведных валют).

Парадак правядзення гандлю на ААТ "Беларуская валютна-фондавая біржа" застаецца без змен, г.зн. прыярытэтнасць задавальнення заявак на куплю замежнай валюты, усталяваная пастановай Упраўлення Нацыянальнага банка Рэспублікі Беларусь ад 22 сакавіка 2011 г. № 89, захоўваецца.

Падтрыманню ўстойлівасці беларускага рубля будуць спрыяць далейшыя крокі Урады і Нацыянальнага банка, накіраваныя на дасягненне макраэканамічнай збалансаванасці ў краіне.

Яўген Васількоў

0
Варган / Адказаць
23.05.2011 / 19:11
Даляр возьме дзясятку.
0
белфлор / Адказаць
23.05.2011 / 19:13
опять двадцать пять!! ну сколько можно на грабли наступать???? без интервенций такой курс фиг удержишь.. а это 2 варианта - 1й: в топку поддержания курса уйдут все кредиты и резервы, 2й: наличный рынок еще больше уйдет в тень, а межбанк найдет лазейки и установит 10к+!!! блин, ну что за люди???!!!
0
Алесь / Адказаць
23.05.2011 / 19:40
Гэта як зразумець. Напрыклад, калі злоты = прыкладна 1650 сёньня, то колькі ён будзе назаўтра?
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру