24.05.2011 / 11:53

Рубель на чорным рынку зноў зніжаецца 13

У абменніках валюты па-ранейшаму няма. У валютчыкаў курс складае 5200—6000 за даляр проці ўчарашніх 5000—5800.

У абменніках валюты па-ранейшаму няма. У валютчыкаў курс складае 5200—6000 за даляр проці ўчарашніх 5000—5800.

Безнаяўныя пазабіржавыя аперацыі практычна спыніліся пасля таго як Нацбанк устанавіў верхнюю граніцу іх 5030 рублёў. Рэч у тым, што яшчэ ўчора банкі праводзілі гешэфты па 6500—7200, і цяпер прадпрыемствы, уласнікі валюты, проста вычэкваюць.

У той жа час курс даляра на чорным рынку наяўнай валюты ў Мінску злёгку ўзняўся ў аўторак да 5200—6000. У панядзелак ён складаў 5000—5500 (купля) і 5300—5800 (продаж).

У Вільні курс рубля зазнаў аналагічныя тэндэнцыі. Увечары панядзелка даляр у віленскім абменніку Citadele можна было прадаць за 4660 рублёў, а на 11.00 аўторка ўжо за 4870. У той жа час прадавалі даляры ў аўторак за 5770 (увечары панядзелка было 5420 рублёў).

У рознічных продажах некаторыя напалоханыя крушэннем рубля гандляры выстаўляюць нават курс 8000—10000. Такім чынам яны схіляюць кліентаў да больш надзейнага разліку ў далярах. Але большасць выкарыстоўвае на сёння рэалістычны курс пераліку 5500—6000 за даляр.

Большасць экспертаў схіляецца да таго, што Нацбанку не ўдасца ўтрымаць курс на ўзроўні 5000. А ўпартае датрыманне такога курсу захавае ранейшы дэфіцыт валюты на легальным рынку і прывядзе да росквіту чорнага рынку.

Псіхалагічна такая сітуацыя выклікае дадатковы ціск на рубель. Людзі і прадпрыемствы чакаюць далейшай дэвальвацыі і ў выніку накручваюць яе самі.

Курс у абменніках у аўторак заставаўся ў межах дазволеных 5030 рублёў. Нагадаем, што ў панядзелак Нацбанк афіцыйна дэвальваваў рубель прыкладна на 60%. Пры гэтым ён пакінуў магчымасць дэвальвацыі яшчэ на 12% (да 5600 рублёў) да канца года. Па курсе 5000 у абменніках застаецца па-ранейшаму пуста.

Прэм'ер-міністр Беларусі Міхаіл Мясніковіч у мінулую пятніцу прызнаў, што крэдыт ад ЕўрАзЭС складзе ўсяго мільярд даляраў і яго будзе недастаткова, каб стабілізаваць курс. Ён заявіў, што патрэбныя дадатковыя меры фінансавага і эканамічнага характару. Ён абяцаў прыняць іх 23—24 мая.

Рэзкае падзенне рубля на чорным і безнаяўным рынках адбылося паміж 15 і 20 мая, калі стала ясна, што крызіс будзе насіць працяглы характар.

Нацбанк па-ранейшаму не мае сродкаў для валютных інтэрвенцый. У той жа час дэвальвацыйныя чаканні застаюцца высокімі.

Сяргей Гезгала

0
Scooter / Адказаць
24.05.2011 / 12:00
Сёньня раніцай гандляры ў крамах "Аўтазапчастка" на Някрасава лічылі па 6200.
0
Мікола / Адказаць
24.05.2011 / 12:00
Як будзе дзейнічаць рэжым. Першы этап, гэта правядзенне фінансавай развёрсткі (фінразверсткі). Гэта азначае выпампоўванне грошай у насельніцтва і абаротных сродкаў гаспадарчых суб'ектаў усіх формаў уласнасці. Пасля сённяшняга абвалу, народ і гаспадарчыя суб'екты сталі бядней у параўнанні з суседзямі ў 1.60 разу. А калі ўлічыць нядаўнюю дэвальвацыю (2 студзеня 2009г. калі 1$ ураўноўваўся складаў 2000руб РБ, а сёння 1$ - 4930руб РБ), то бядней у параўнанні з суседзямі мы сталі ў 2,45 разу. Другі этап, гэта правядзенне маёмаснай развёрсткі (продаж народнай уласнасці). Продаж, перадача за абавязкі (за атрыманыя крэдыты) з замаскіраваным наварам для выканаўцаў рэжыму абясцэненай уласнасці змоўшчыкам сусветнай мафіі і ў першую чаргу расійскай. Фінразверстка і маёмасная развёрстка будзе працягвацца і выпрабоўваць цярпенне нашага цярплівага народа да тыя пор пакуль не адбудзецца поўны абвал эканомікі . Пасля поўнага абвалу выйдзе на арэну новы дыктатар з новай зграей, якая канчаткова можа знішчыць Рэспубліку Беларусь і ідэнтычнасць БЕЛАРУСАЎ. Што трэба рабіць. Ужо сёння трэба прасіць міжнародную супольнасць замарозіць усё золата-валютныя актывы дыктатара і яго памагатых і падазроных прыўладных бізнес дзеячоў. Ужо сення трэба заявіць, што усе ўказы, пагадненні нелегітымнага рэжыму, нелегітымныя рэферэндумы будуць ануляваны ці перагледжаны.. Народная ўласнасць павінна быць вернутая народу праз адкрытую народную прыватызацыі і адкрыты продаж замежным інвестарам. Народ чакае ад ВАС, так называемые палітыкі рашэнняў на карысць народа. Народ можа зацягнуць поясы (пажыць у надгаладзь) і патрываць перыяд аднаўлення толькі з АБ'ЯДНАНЫМ УРАДАМ НАРОДНАГА ДАВЕРУ. У аб’яднаный УРАД НАРОДНОГА ДАВЕРУ АБАВЯЗКОВА ПАВІНЕН УВАЙСЦІ З. Пазьняк і Старшыня БНР І. Сурвіла. Толькі тады і толькі так мы зможам аднавіць наш беларускі палітычны, навукова тэхнічны і эканамічны патэнцыял. ЖЫВЕ і яшчэ лепш будзе жыць БЕЛАРУСЬ! Мікола, унук рэпрэсаванага камуністамі гаспадара Сымона.
0
Аматар / Адказаць
24.05.2011 / 12:12
Ну, рэальна зьніжаецца з 5000—5800 да 5200—6000. З такой арыфметыкай ва ўрад.
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру