«Белдзяржстрах» прапануе паслугу для Ярмошынай 2

«Белдзяржстрах» прапануе сваім кліентам навіну — страхаванне выдаткаў грамадзян, якія выязджаюць за мяжу (так званая страхоўка ад нявыезду).

Такая страхоўка можа быць карыснай у шэрагу выпадкаў, адзначаюць у «Белдзяржстраху». «Напрыклад, вы ў чэрвені запланавалі адпачынак на жнівень, забраніравалі тур загадзя, а ў апошні момант планы памяняліся так рэзка, што паехаць не выпадае. Зразумела, пры раннім браніраванні цалкам заплачаныя грошы вам не вернуць. Пры наяўнасці страхавога поліса ў выпадку, калі чалавек не можа ехаць у адпачынак з-за праблем са здароўем ці здароўем блізкіх родных, ці таму, што адбылося штосьці з яго маёмасцю (пажар, рабаванне, сур’ёзнае ДТЗ), прыйшоў пазоў у суд або на ваенныя зборы, застрахаванаму будуць кампенсаваныя ўсе яго выдаткі.

Тое ж самае тычыцца і выпадку неатрымання візы

», — адзначылі ў кампаніі.

Заключыць дамову страхавання ад нявыезду можна ў турфірме адначасова з афармленнем тура. Памер страхавога ўзносу будзе залежаць ад краіны падарожжа, перыяду, за які набываецца дамова страхавання.

Як адзначаюць у кампаніі, сярэдні страхавы ўзнос — ад 4 даляраў ЗША, паведамляе БелаПАН.

Гэтая новая паслуга можа зрабіцца актуальнай у сённяшніх беларускіх умовах. Па-першае, цяжка здабыць валюту на замежныя падарожжы, а па-другоешырыцца чорны спіс чыноўнікаў, якім забаронены ўезд на тэрыторыю ЕС за ўдзел у парушэннях правоў чалавека ў Беларусі. На сёння ў ім каля 200 асобаў.

СМ

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ