Днямі маці Зьмітра Тацяна Касьпяровіч атрымала другі ліст ад сына. Паводле ейных падлікаў, лісты ад яе ў СІЗА ідуць 6 дзён, адтуль нашмат хутчэй — за пару дзён.
Аптымізму Зьміцер за кратамі не губляе, піша: «Я заўжды марыў паглядзець Пішчалаўскі замак больш дасканала. Вось і паглядзеў». Хаця звыкнуцца жыць за кратамі немагчыма: «Зранку прачынаюся і доўга не магу зразумець, дзе я знаходжуся». Маці перадала хвораму гарчычнікі: «А антыбіётыкі не прынялі. Кажуць: у нас усё ёсьць. Але мне казалі жанчыны ў чарзе, што там толькі адзін асьпірын».
Зьмітра, як і іншых палітвязьняў, можна падтрымаць лістом. Тацяна Касьпяровіч кажа, што можна дасылаць і тэлеграмы: у камэру іх прыносяць, а ідуць яны значна хутчэй, чым лісты.
❏
Напішы палітвязьням:
220050 Менск, вул.Валадарскага, 2, СІЗА №1, камэра 146. Касьпяровічу Зьмітру.
220050 Менск, вул.Валадарскага, 2, СІЗА №1. Фінькевічу Артуру.
211652 Полацкі раён, п.а. Малое Сітна, да запатрабаваньня Севярынцу Паўлу.
225416 Баранавічы, вул.Жукава 12а, кв.5, Статкевічу Мікалаю.
