Улада5050

КДБ Вконтакте

Як паведамляецца, суполку выдалілі з камп'ютара адміністратара Сяргея Паўлюкевіча супрацоўнікі спецслужб, якія ўварваліся да яго ў кватэру.

Выдаленая суполка Вконтакте «Мы за вялікую Беларусь!», што заклікала на «Марш мільёнаў». Як паведамляецца, суполку выдалілі з камп’ютара адміністратара Сяргея Паўлюкевіча супрацоўнікі спецслужб, якія ўварваліся да яго ў кватэру.

Суполка рыхтавала «Марш мільёнаў» за адстаўку Лукашэнкі. Удзельнікі заклікалі распачаць яго 15 ліпеня на цэнтральнай плошчы Мінска. У суполцы «Мы за вялікую Беларусь!» было 120 000 удзельнікаў.

Пацверджання ці тлумачэнняў ад самога Паўлюкевіча пакуль няма.

Напярэдадні ў Рэдакцыю «Нашай Нівы» трапіў ліст за подпісам Сяргея Паўлюкевіча. Малады чалавек заявіў пра ціск з боку спецслужб на яго сям’ю.

Сяргей, якога пасля падзей на Плошчы спрабавалі завербаваць супрацоўнікі КДБ, паведаміў, што 2 чэрвеня супрацоўнікі КДБ прыйшлі на працу да яго маці. Яны параілі, каб яе сын спыніў сваю працу ў якасці адміністратара шэрагу буйных суполак ў сацыяльных сетках. У процілеглым выпадку паабяцалі пасадзіць сына ў турму. І артыкул назвалі канкрэтны — 342 КК.

Артыкул 342 Крымінальнага кодэкса — арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх (да трох гадоў пазбаўлення волі).

«Звяртаюся да ўсіх свабодных і тых, хто чуе ў Беларусі: не маўчыце, не бойцеся! У супрацьлеглым выпадку гэты маразм трансфармуецца да таго, што хутка будуць за анекдоты саджаць у турмы»

Асобна малады чалавек звярнуўся да сусветнай супольнасці. «Нас ужо не падмануць. І таму падумайце, калі дазваляеце дыктатуры ў цэнтры Еўропы таптаць правы чалавека, свабоду слова… Падумайце перад тым, як выдаваць крэдыты дыктататуры і ўсяляк яе падтрымліваць».

«Калі мяне зняволяць, спадзяюся, што гэта не будзе дарэмна,
што абудзяцца яшчэ пару соцень тысяч чалавек, а пару дзясяткаў тысяч чалавек пачнуць рэальна нешта рабіць. Нам ужо асабліва губляць няма чаго. Што нам губляць, акрамя страху?»

Падобна, што напісаць такі ліст Сяргея змусіла бязвыхадная сітуацыя, у якой ён апынуўся. Але ў канцы ліста ён адзначыў, што «мяне яны не зламаюць і не нахіляць».

Сяргей Паўлюкевіч быў студэнтам прэстыжнага юрыдычнага факультэта БДУ. У Вконтакте ён стаў мадэратарам суполак «Мы за Вялікую Беларусь» (больш за 120 тысяч удзельнікаў), «Славяна-балтыйскі альянс», «Марш Мільёнаў — 19 дзён — нас 33.500» на сайце vkontakte.ru.

Паўлюкевіч быў асуджаны на 10 сутак адміністрацыйнага арышту за ўдзел у падзеях 19 снежня. Пасля адмовы працаваць з КДБ у яго на кватэры правялі ператрус.
З самага ранку 25 сакавіка яго забралі на допыт, на якім пратрымалі да вечара, каб ён не ўзяў удзелу ў Дні Волі.

Вконтакте — гэта адна з самых папулярных сацыяльных сетак — інтэрнэт-платформаў, на якіх людзі камунікуюць.

Калі на Захадзе самай папулярнай сеткай стаў Фэйсбук, то ў былым СССР найбольш карыстальнікаў на сёння мае акурат Вконтакте.

Учора тэлефон Паўлюкевіча быў адключаны, сёння ён не адказваў на тэлефанаванні. Адказу на электронны ліст ад яго таксама не маем.

Каментары50

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі19

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі

Усе навіны →
Усе навіны

У Амурскай вобласці Расіі разбіўся самалёт з 49 чалавекамі на борце

Два малыя браты атрымалі моцныя апёкі пры распальванні лазні

Ходзіць легенда, што Озі Осбарн адкусіў галаву жывому кажану. А што ж адбылося насамрэч?2

Хто такі Джэйсан Дэрула, якога прэм’ер Турчын вадзіў па Доме ўрада8

Олівер з ЗША вывучыў беларускую мову, бо даведаўся, што яго продкі з Магілёва58

«Выйшаў з бальніцы з дзвюма адкрытымі ранамі». Беларусу ў Польшчы зрабілі аперацыю, а праз два дні выпісалі12

Расія ўдарыла па некалькіх абласных цэнтрах Украіны

«Дурная выдумка». Макрон падаў у суд на жанчыну, якая назвала яго жонку мужчынам

На Брэстчыне зноў шукаюць магчымасці пазбавіць прыгажэнны помнік ахоўнага статусу. Загад паступіў зверху4

больш чытаных навін
больш лайканых навін

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі19

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі

Галоўнае
Усе навіны →

Заўвага:

 

 

 

 

Закрыць Паведаміць