06.06.2011 / 12:35

Народны майстар з-пад Пружан дасціпна высмеяў Лукашэнку + скульптуры, якія дзед выставіў на афіцыйным свяце 38

«Лягчэй на каньках катацца, чым хазяйствам занімацца».

У Ружанах быў арганізаваны фэст «Ружанская брама». Арганізаваў яго райвыканкам, але сапраўдны фурор на ім зрабілі працы 80-гадовага народнага майстра Мікалая Тарасюка. Чалавек выканаў з дрэва смелую сатыру на Аляксандра Лукашэнку. І суправадзіў дасціпнымі подпісамі на мясцовым дыялекце: «Лягчэй на каньках катацца, чым хазяйствам занімацца».

80-гадовы народны майстар з вёскі Стойлы Пружанскага раёна — рэзчык па дрэве. Ён мае ганаровае званне Народны майстар Рэспублікі Беларусь. Ягонай творчасці прысвячаліся цэлыя альбомы.

Свята было арганізаванае Ружанскім райвыканкамам у паўразбураным Ружанскім замку для прэзентацыі дыска «Кнігазбор роду Сапегаў». Было і тэатралізаванае прадстаўленне, і лазернае шоу. Але сапраўдным шоу стала выстава народных майстроў.

Тарасюк выставіў на ім фігуркі, падобныя да прэзідэнта адной усходнееўрапейскай краіны.

Персанаж то выступае з трыбуны, то стаіць на каньках. А народ вакол жыве сваім жыццём. І нават публіка ў зале правадыра не слухае, займаецца сваімі справамі. Усё, што думае пра сітуацыю ў краіне, рэзчык выказаў у раскладзеных тутсама подпісах. Часам гумарыстычных, часам злых, напісаных на мясцовым дыялекце.

Публіка высока ацаніла творы свайго земляка, хоць некаторыя спачатку і палохаліся.

А вось відэа пра народнага майстра:

0
Julia / Адказаць
06.06.2011 / 13:02
Мне очень понравилось и творчество, и подписи неизвестного))) пенсионера. Я бы прикупила экспозицию целиком
0
Aleś Jurkaviec / Адказаць
06.06.2011 / 13:03
І што, гэта ўсё адкрыта выстаўлялася на мерапрыемстве, арганізаваным афіцыйнымі ўладамі? Нешта не верыцца.
0
Ружанец / Адказаць
06.06.2011 / 13:10
Гэты пенсіянер - Народны майстар Рэспублікі Беларусь Мікалай Васільевіч Тарасюк, які нарадзіўся і жыве ў в.Стойлы Пружанскага р-на. Два гады таму "ЛіМ" выпусціў высакаякасны фотаальбом "Сялянская энцыклапедыя" прысвечаны творчасці гэтага майстра. Ад сабе дадам, што самае галоўнае ў работах Тарасюка - гэта яго самабытныя каментары да работ, якія з'яўляюцца крыніцай народнай мудрасці.
Паказаць усе каментары/ 38 /
Каб пакінуць каментар, калі ласка, актывуйце JavaScript у наладах свайго браўзеру