Золатавалютныя рэзервы (ЗВР) Беларусі, разлічаныя па метадалогіі МВФ, за пяць месяцаў знізіліся на 28,6%. Паводле звестак Белстата, на 1 чэрвеня 2011 года ЗВР склалі 3.593,1 млн. долараў ЗША, скараціўшыся ў параўнанні з пачаткам года на 28,6%. За май гэты паказчык зменшыўся на 5,3%.

Непасрэдна валютныя рэзервы ў складзе ЗВР на 1 чэрвеня склалі 1.321 млн. долараў, скараціўшыся з пачатку года на 30,8%. За май валютныя рэзервы скараціліся на 8,3%.

Нагадаем, у сакавіку Нацбанк прыняў шэраг абмежаванняў з мэтай стабілізацыі на валютным рынку. Спачатку было прынята рашэнне аб адмове ад валютных інтэрвенцый на біржавым рынку, затым банкам спынілі прадаваць замежную валюту для падтрымання працы абменных пунктаў. У красавіку Нацбанк спыніў продаж за беларускія рублі золата і каштоўных металаў у мерных злітках, якія карысталіся павышаным попытам у насельніцтва.

Хочаш падзяліцца важнай інфармацыяй ананімна і канфідэнцыйна?