Махлярства на 77, 4 млн на земляных працах у Малінаўцы

Пракуратура Маскоўскага раёна Мінска распачала крымінальную справу ў дачыненні да намесніка дырэктара свідравальнай кампаніі, якая змахлявала падчас прац па добраўпарадкаванні сталічных мікрараёнаў «Малінаўка-8» і «Малінаўка-9».

Крымінальная справа распачата па матэрыялах аддзела па барацьбе з эканамічнай злачыннасцю Маскоўскага РУУС. Паводле дадзеных аператыўных службаў, намеснік дырэктара ТАА ад 1 кастрычніка 2008 года да 31 мая 2009 года пры выкананні будаўніча-мантажных работ на аб’екце «Добраўпарадкаванне тэрыторыі паміж мікрараёнамі» Малінаўка-8-9» уключыў у акты здачы-прыёмкі выкананых работ найменне і цану прац па перавозцы грунта. На самай справе гэтыя работы выкананыя не былі, а ТАА атрымала незаконнае ўзнагароджанне за працу ў памеры 77,4 мільёна рублёў.

Па дадзеных праваахоўных органаў, гэтыя сродкі затым былі абнаяўленыя і выкрадзеныя намеснікам дырэктара, чым КУП «УКБ адміністрацыі Маскоўскага раёна г. Мінска» быў нанесены ўрон на буйную суму.

Па дадзеным факце ў дачыненні да намесніка дырэктара ТАА ўзбуджаная крымінальная справа па прыкметах злачынства, прадугледжанага ч.4 арт.210 Крымінальнага кодэкса (крадзеж шляхам злоўжывання службовымі паўнамоцтвамі, здзейснены арганізаванай групай альбо ў надзвычай буйным памеры). Санкцыя гэтага артыкула прадугледжвае пакаранне да 12 гадоў пазбаўлення волі з канфіскацыяй маёмасці.

ej.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ