12.06.2011 / 22:35

Пад Гроднам пратэстоўцы перакрылі трасу, уступілі ў супрацьстаянне з амонам дапаўняецца 150

Амон ужыў для разгону страйкоўцаў слезацечны газ, ёсць затрыманыя.

Як паведамілі «Нашай Ніве» чытачы з Гродна, кіроўцы перакрылі трасу да памежнага пераходу Брузгі.

Гэта на мяжы з Польшчай. Незадаволенасць была выкліканая гармідарам на мытні.

Пасля забароны вывазу паліва і спажывецкіх тавараў многіх кіроўцаў сёння заварочвалі назад.
У прыватнасці, не прапускалі тых, хто ехаў другі дзень запар. Гэта выклікала масавае незадавальненне.

Страйк пачаўся прыкладна а 18-й гадзіне. У ім узялі ўдзел больш за сто чалавек. Супраць страйкоўцаў быў высланы амон. Супрацьстаянне відаць на змешчаных вышэй відэа.

Страйкоўцы пабраліся за рукі і ўступілі ў процістаянне з міліцыянтамі. У самы напружаны момант страйкоўцы цытавалі беларускі гімн: «Мы — беларусы, мірныя людзі…». Амон на нейкі час пад апладысменты адступіў.

Да страйкоўцаў прыехаў старшыня Гродзенскага аблвыканкама Сямён Шапіра. Адбылася кароткая размова, у якой людзі выказалі свае патрабаванні. Шапіра папярэдзіў: хто не разыдзецца, той не будзе начаваць дома.

Прыкладна а 20-й гадзіне быў ужыты слезацечны газ і сілы спецназа выціснулі пратэстоўцаў на ўзбочыну. Ёсць затрыманыя.

Прымежны гандаль быў галоўным заробкам для многіх гарадзенцаў, балазе для прымежнікаў лягчэй вырабіць польскую візу.

Пасля таго як акцыяй пратэсту ў Мінску ўдалося дабіцца зніжэння цэнаў на бензін, у Гродне таксама спадзяюцца дабіцца вяртання ранейшага мытнага рэжыму.

Наталля Сычэўская, Гродна

0
румынский финиш / Адказаць
12.06.2011 / 22:40
Уже скоро...
0
Хана / Адказаць
12.06.2011 / 22:40
Считай дни до ДЕМБЕЛЯ, Саша...
0
жэстачаше разрешіть! / Адказаць
12.06.2011 / 22:40
завтра по шапке даст своім холуям і заставіт всё открутіть назад.
Паказаць усе каментары/ 150 /
Каб пакінуць каментар, калі ласка, актывуйце JavaScript у наладах свайго браўзеру