17.06.2011 / 12:22

Прысуд Дашкевічу і Лобаву пакінуты без зменаў 1

Мінскі гарадскі суд пакінуў прыгвор лідару міжнароднай маладзёжнай арганізацыі «Малады фронт» (Чэхія) Змітру Дашкевічу і актывісту гэтай арганізацыі Эдуарду Лобаву без змяненняў. Пра гэта БелаПАН паведаміла намеснік старшыні «Маладога фронту» Наста Палажанка.

17 чэрвеня ў Мінскім гарадскім судзе разглядалася касацыйная скарга на прыгавор Дашкевічу і Лобаву. Маладыя людзі былі затрыманыя ў Мінску 18 снежня 2010 года. Паводле інфармацыі ГУУС Мінгарвыканкама, у двары жылога дома па вуліцы Янкі Брыля яны нібы збівалі Канстанціна Савіцкага і Алега Малышава. Затрыманне Дашкевіча і Лобава прадстаўнікі апазіцыі і праваабаронцы расцанілі як прэвентыўную меру міліцыі напярэдадні выбараў прэзідэнта.

24 сакавіка Дашкевіч быў прыгавораны да двух гадоў пазбаўлення волі ў калоніі агульнага рэжыму, Лобаў — да чатырох гадоў у калоніі ўзмоцненага рэжыму. Такое рашэнне аб’явіла суддзя Маскоўскага раёна Мінска Алена Шылько.

29-гадовы Дашкевіч і 22-гадовы Лобаў прызнаныя вінаватымі паводле часткі 3 артыкула 339 Крымінальнага кодэкса (асабліва злоснае хуліганства).

Маладыя людзі сваёй віны не прызналі і абскардзілі прыгавор у касацыйным парадку.

Выступаючы ў судзе з апошнім словам, Дашкевіч выказаў упэўненасць, што ўсе, хто лжыва сведчыў супраць яго, і тыя «нібы пацярпелыя», якія давалі паказанні ў судзе з суседняга пакоя (паводле афіцыйнай версіі, суд змясціў іх туды з меркаванняў бяспекі. — БелаПАН.), у будучым абавязкова будуць справядліва пакараныя.

«Усе выдатна ведаюць, што я і Лобаў даўно займаемся палітычнай дзейнасцю і нападаць на кагосьці за дзень да выбараў, „падпалу Рэйхстага“, нам было б вельмі нявыгадна», — заявіў Дашкевіч.

Лобаў падтрымаў свайго таварыша, дадаўшы, што гэта была «добра спланаваная правакацыя спецслужбаў».

0
Anatol Starkou / Адказаць
17.06.2011 / 12:52
«Усе выдатна ведаюць, што... нападаць на кагосьці за дзень да выбараў... нам было б вельмі нявыгадна»... ...гэта была «добра спланаваная правакацыя спецслужбаў»... Так гэта была частка лукашысцкай СПЕЦАПЕРАЦЫІ "Выбары-2010", але ў якасці жыццёвага ўрока вам хлопцы трэба запомніць адно слова ЛАПАТКА, або прасцей кажучы - холодное оружие. Толькі дзяцінства вам падказала ўзяць яе з сабой за дзень да выбараў. ### Я калісьці намякваў вам, Маладому Фронту на онлайн канферэнцыі на СВАБОДЕ падчас вашай галадоўкі ў сядзібе партыі БНФ аб дзейнасці некаторых рускіх моладзевых арганізацый на Беларусі і зараз намякну яшчэ раз: шмат чаму вучыцеся ў іх - іх не відаць не чуваць, але яны сіла. Аб вас жа на кожнай старонцы беларускіх незалежных СМІ можна чытаць днямі і начамі. Вам ГЭТА трэба? ГЭТА ваша мэта?
Каб пакінуць каментар, калі ласка, актывуйце JavaScript у наладах свайго браўзеру