27.06.2011 / 13:02

Беларусь увязала продаж акцый «Белтрансгаза» з цэнамі на газ 4

Пра гэта паведаміў прэм'ер Мясніковіч.

Продаж акцый «Белтрансгаза» ўвязаны з цэнамі на газ для Беларусі.
Пра гэта ў інтэрв’ю карэспандэнту БЕЛТА паведаміў прэм’ер-міністр Беларусі Міхаіл Мясніковіч.
«Пытанняў няма: $ 2,5 млрд. — і хоць заўтра,
 — сказаў прэм’ер. — Але мы ўвязваем гэта ў пакеце з цэнамі на газ. У гэтым кірунку ідзе праца».

«Сёння я зноў гаварыў з Кудрыным, ён абяцаў актыўна ўключыцца ў гэты працэс, — адзначыў Міхаіл Мясніковіч. — На маю просьбу Уладзімір Уладзіміравіч Пуцін даручыў Мінэканамразвіцця зрабіць разлікі, як будзе выглядаць эканоміка Беларусі з улікам прапанаванага росту цэнаў на газ. Адпаведнае заключэнне падрыхтаванае. Яно, як кажуць у народзе, па прынцыпе і нашым, і вашым. Я на гэта звярнуў увагу Аляксея Леанідавіча [Кудрына]. Хацелася б мець гэтае заключэнне ў больш скончаным выглядзе, каб весці прадметную размову з прэм’ер-міністрам Расіі».

Адказваючы на пытанне аб перспектывах будаўніцтва ў Беларусі другой калійнай вытворчасці з аб’ёмам інвестыцый $2 млрд., Мясніковіч адзначыў, што гаворка ідзе, у першую чаргу, пра расійскіх інвестараў, а таксама пра інвестараў «з далёкага замежжа». Канкрэтызацыю ў дачыненні да інвестараў ён лічыць заўчаснай.

0
Кнехт / Адказаць
27.06.2011 / 13:09
Продаж акцый «Белтрансгаза» ўвязаны з цэнамі на газ для Беларусі ============================ А продаж акцый "Белкалія" ўвязаны з цэнамі на соль для белпрусаў. "Народная ўлада" распрадае народнае багацце, каб накарміць народ. Бо некормлены народ мычыць і тупае.
0
Мікіта / Адказаць
27.06.2011 / 13:12
Проста шантаж
0
Inhvar / Адказаць
27.06.2011 / 13:58
Рэжым доўга яшчэ распрадаваць будзе,на ягоны век хвацiць..
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру