Рыгор Кастусёў: У «маўклівых рэвалюцый» поспеху не будзе 133

Намеснік старшыні Партыі БНФ, экс-кандыдат у прэзідэнты Рыгор Кастусёў крыху скептычна ставіцца да падобных акцый.

«Па-першае, людзі не разумеюць самі, чаго яны хочуць гэтым дамагчыся. Сабраліся, пастаялі. І што далей? Збярэцца ў наступны раз 10 тысяч. І, зноў жа, што далей? — здзіўляецца Кастусёў. — Па-другое, арганізатары гэтых акцый заяўляюць, што не хочуць ўключацца ў палітыку, ісці пад нечымі сцягамі.

Але без палітычнай афарбоўкі ў мерапрыемстваў, якія ў свой час трапна назваў Зянон Пазьняк каўбаснымі бунтамі, на мой погляд, поспеху не будзе».

Сам Рыгор Кастусёў не супраць прыйсці на такую акцыю,

аднак пакуль зрабіць гэта яму перашкаджалі «іншыя планы».

Адной з прычын нежадання арганізатараў маўклівых пратэстаў кааперавацца з традыцыйнай апазіцыяй Кастусёў бачыць негатыўнае да яе стаўленне: «На жаль, многія людзі ўспрымаюць і Партыю БНФ, і ўсю апазіцыю так, як ім гэта падае ўлада. Хоць, па сутнасці, мы ўсе хочам аднаго і таго ж».

Ідэю супрацоўніцтва з «Рэвалюцыяй ў сацыяльнай сетцы» у той ці іншай форме Кастусёў ўсё ж не адкідае:

«Але для пачатку нам трэба аб’яднацца з прадстаўнікамі іншых палітычных і грамадскіх арганізацый.

І тады агульнымі намаганнямі мы будзем старацца ўплываць на людзей, якія зьбіраюцца на гэтыя акцыі».

Як на наш рэдакцыйны погляд, так ва ўмовах «феадальнай раздробненасці», якая пануе ў традыцыйнай апазіцыі, яе лідарам проста няма калі вадзіцца з выскачкамі з віртуальнай прасторы. Канкурэнцыя на палітычным полі і так высокая, а кошт пытання аб лідарстве займае дух.

naviny.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ