У выхадныя дні — дажджы і навальніцы, моцна схаладае 2

Згодна з прагнозам Рэспубліканскага гідраметэацэнтра, у найбліжэйшыя суткі, 2 ліпеня, у Беларусі чакаецца воблачнае з праясненнямі надвор’е. На большай частцы тэрыторыі пройдуць дажджы, ноччу па паўднёвым захадзе,

днём месцамі дажджы моцныя. У асобных раёнах навальніцы.

Вецер усходні з пераходам на паўднёвы 5–10 м/с, парывы да 14 м/с, днём месцамі парывы да 15–18 м/с. Тэмпература паветра: мінімальная ноччу 14–20°С, па паўднёвым захадзе 10–13°С,

максімальная днём 13–19°С, па паўночна-ўсходняй палове 20–24°С.

У Мінску ў суботу воблачна з праясненнямі. Ноччу часам дождж, магчыма навальніца. Днём кароткачасовы дождж. Вецер усходні днём з пераходам на паўднёвы 5–10 м/с, парывы да 14 м/с, днём парывы да 15–18 м/с. Тэмпература паветра: мінімальная ноччу 15–17°С,

максімальная днём 17–19°С.

У нядзелю, 3 ліпеня, сіноптыкі прагназуюць у Беларусі воблачнае з праясненнямі надвор’е. На большай частцы тэрыторыі чакаюцца дажджы, месцамі навальніцы, моцныя дажджы. Вецер паўднёва-ўсходні 5–10 м/с, днём у асобных раёнах парывы да 15–18 м/с. Тэмпература паветра: мінімальная ноччу 7–13°С,

максімальная днём ад 13°С па паўднёвым захадзе да 22°С па паўночным усходзе краіны.

4 ліпеня воблачна з праясненнямі. На большай частцы тэрыторыі краіны прагназуюцца кароткачасовыя дажджы, месцамі навальніцы. Вецер пераменных напрамкаў 4–9 м/с, днём пры навальніцах парывы да 14 м/с. Тэмпература паветра: мінімальная ноччу 7–13°С,

максімальная днём ад 13°С па паўднёвым захадзе да 23°С па паўночным усходзе краіны.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ