Вечарам 3 ліпеня ў Гомелі падчас акцыі маўклівага пратэсту было затрымана не менш чым 30 чалавек, частка з іх — непаўналетнія.
Затрыманых дастаўлялі ў два РАУС — Цэнтральны і Чыгуначны.
У ліку затрыманых апынулася і карэспандэнт БелаПАН Алена Германовіч. Яе даставілі ў Чыгуначны РАУС, дзе знаходзілася яшчэ каля дзесяці чалавек, у тым ліку карэспандэнт рэгіянальнага сайта «Моцныя навіны» Яўген Сувораў.
У супрацоўніцы БелаПАН знялі адбіткі пальцаў, узялі тлумачэнне, пасля чаго адпусцілі.
Вядома, што з Чыгуначнага РАУС затрыманых павязуць у ізалятар часовага ўтрымання. Таксама, паводле звестак БелаПАН, у ІЧУ даставяць і тых затрыманых, якія знаходзяцца ў Цэнтральным РАУС. Непаўналетніх адпусцілі пасля прыходу ў РАУС іх бацькоў.
Акцыя маўклівага пратэсту сабрала 3 ліпеня ў Гомелі амаль 500 чалавек.
0
0
0
0
0
0
