05.07.2011 / 17:29

Жанчына захоўвала ў гаражы 184 тыс. пачкаў цыгарэтаў 4

Падчас аператыўна-вышуковых мерапрыемстваў супрацоўнікамі міліцыі і падатковай інспекцыі ў Маладзечне канфіскавана больш за 184 тысячы пачкаў цыгарэт беларускіх вытворцаў больш як на 400 мільёнаў рублёў.

Як паведаміла БелаПАН оперупаўнаважаны па асабліва важных справах галоўнага ўпраўлення па барацьбе з эканамічнымі злачынствамі МУС Беларусі Вераніка Пасмецьева, цыгарэты аператыўнікі знайшлі ў гаражы на тэрыторыі прыватнага дома, які належыць непрацуючай мясцовай жыхарцы. Тавар захоўваўся без дакументаў, якія пацвярджаюць легальнасць набыцця.

Зараз па гэтым факце праводзіцца праверка. Высвятляецца, хто набыў цыгарэты — гаспадыня гаража ці яе былы муж, які выкарыстоўвае гараж для захоўвання асабістага мікрааўтобуса, і ці прызначаліся канфіскаваныя тытунёвыя вырабы для нелегальнага вывазу за межы Беларусі. Мужчына працуе ў лакаматыўным дэпо Маладзечна і па родзе сваёй дзейнасці сістэматычна выязджае ў Літву.

Тытунёвыя вырабы будуць канфіскаваны ў даход дзяржавы, а асоба, якая іх захоўвала, будзе прыцягнута да адміністрацыйнай адказнасці.

Усяго ў 2011 годзе з незаконнага абароту выключаны больш як 642 тысячы пачкаў цыгарэт больш як на 1,3 мільярда рублёў. У дачыненні да правапарушальнікаў складзены 182 пратаколы.

0
Саня / Адказаць
05.07.2011 / 17:47
а курящим людям нечего курить! скоро курильщики на астру перейдут, вот будет здоровая нация! хотя искренне желаю всем и себе бросить курить!
0
Иван / Адказаць
05.07.2011 / 18:28
Мы посмотрели аккуратно в замочную скважину - у каждого в гараже полтонны-тонна бензина" - Лукашенко. сказано 17 июня. видимо когда смотрели нашли сигареты
0
мук / Адказаць
05.07.2011 / 19:31
не понятно...может я всю жизнь с зп покупаю по коробочку сигарет..в чем преступление?кому какое дело?я ж не перепродаю,не словили на вывозе..хранить нельзя??
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру