11.07.2011 / 08:30

Беларускае ТБ працягнула кампанію супраць Мядзведзева: Крэмль плюнуў у душу «Славянскага базару» 20

Крытыка зноў прагучала ў прапагандысцкай перадачы «У цэнтры ўвагі».

Крытыка зноў прагучала ў прапагандысцкай перадачы «У цэнтры ўвагі» ў нядзелю.

«Упершыню за 20 гадоў сваёй гісторыі фестываль „Славянскі базар“ апынуўся уцягнуты ў палітыку, — грымеў у сваім рэпартажы Андрэй Крывашэеў. — Упершыню гасцей і ўдзельнікаў мультыкультурнай, але, у першую чаргу, славянскай з’явы не павіншаваў прэзідэнт Расіі. У фестывалю ёсць душа, кажуць яго ўдзельнікі. Сваім грэбаваннем Крэмль у гэтую душу плюнуў. Такое меркаванне дзеячоў мастацтва».

У сапраўднасці, «Базар» быў уцягнуты ў палітыку заўжды. Фестываль адыгрываў значную ролю для лукашэнкаўскай прапаганды. Нароўні з «Дажынкамі» і святкаваннямі Дня Перамогі і 3 Ліпеня, ён выкарыстоўваецца для дэманстрацыі поспехаў рэжыму і яго пераемнасці з савецкай традыцыяй.

За вялікія грошы на «Славянскі базар» прывозяць пераважна зорак расійскай поп-сцэны. Бюджэт фестывалю значна перавышае выдаткі на іншыя культурныя імпрэзы ў Беларусі.

«Наўрад ці выпадкова, але ігнараванне Крамлём найважнейшых саюзных дат і падзей — ад дня пачатку Вялікай Айчыннай да Віцебскага фестывалю — супалі з ультыматумам: ад Беларусі патрабуюць здаць актывы на $ 7,5 млрд, прычым па свайму расійскаму сцэнары, гэта значыць, хутка, ціха, танна, і алігархам», — заявіла БТ.
Два тыдні таму ў той жа праграме лукашэнкаўскага тэлебачання быў выказаны тэзіс, што прэзідэнт Расіі Дзмітрый Мядзведзеў не прыляцеў у Брэст 22 чэрвеня, бо яму было б сорамна глядзець у вочы расійскім ветэранам, якія, як было заяўлена, жывуць на радзіме ў галечы.

Сяргей Гезгала

0
за базар ответят! / Адказаць
11.07.2011 / 08:34
а мне больше понравился шизофреник с утренней какой-то аналитической передачи (который всегда говорит \"мир вашим домам\"). он шедеврально жег!!!! хочу вот видео найти
0
КБ (Колхозный бандит) / Адказаць
11.07.2011 / 08:41
а мне больше понравился шизофреник с утренней какой-то аналитической передачи --------------------------- Наши "шизофреники2 по сравнению с вашими-ангелочки. НТВ стоит посмотреть. А на "Дом-2" ,говорят, сейчас показывают ВСЕ моменты отношений между полами.
0
ds / Адказаць
11.07.2011 / 08:59
БТ ... кто интересно его смотрит, особенно из молодежи :)
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру