19.07.2011 / 13:37

Дэфіцыт рублёў у банкаматах? Нацбанк абвяргае 19

Дэфіцыт рублёў у некаторых апаратах прымушае беларусаў перастрахоўвацца.

Банк «Масква-Мінск» ўвёў ліміт на аднаразовае здыманне рублёў у памеры не больш за 300 тысяч. Агенцтву “Інтэрфакс” у банку гэта патлумачылі тым, што Нацбанк не ў поўным аб’ёме задавальняе заяўкі банкаў на атрыманне наяўных.

Праблемы ёсць і ў іншых банках. Сапраўды, карэспандэнт «Нашай Нівы» ў пятніцу не змог зняць свой заробак у трох банкаматах запар: «Белінвестбанка», «Беларусбанка» і «Белаграпрамбанка».

Разам з тым, у размове з карэспандэнтам «НН» супрацоўнікі «Беларусбанка» і «Белінвестбанка» назвалі дэфіцыт рублёў тэхнічным збоем. Такія праблемы здараюцца ў Беларусі ў апошнія ўсё часцей.

Чуткі пра ўвядзенне суткавага ліміту здымання рублёў прымушаюць беларусаў перастрахоўвацца і здзяйсняць перыядычныя «набегі» на абменнікі.
У выніку наяўныя рублі сканчаюцца, а інкасацыя часам затрымліваецца на дзень-два. У прыватнасці, вось ужо каторы дзень запар не працуе большасць банкаматаў «БелСвісБанка».

Прадстаўнікі Нацбанка ўпэўніваюць, што заяўкі камерцыйных банкаў па-ранейшаму выконваюцца. «Заяўкі растуць, мы праводзім іх аналіз, і ўсе першачарговыя патрабаванні банкаў у наяўных у беларускіх рублях мы імкнёмся задаволіць», — каментуе начальнік галоўнага ўпраўлення Нацбанка па Мінску і Мінскай вобласці Васіль Палонскі.

ЯВ

0
Zubizu / Адказаць
19.07.2011 / 13:46
Что, опять? Как-то пару месяцев назад все ломанулись от таких новостей рубли выгребать...
0
Что-то было такое / Адказаць
19.07.2011 / 13:48
17 числа в Короне в банкомате Белинвестбанка карточки вообще не принимались, хотя аппарат был исправен внешне.
0
я / Адказаць
19.07.2011 / 13:59
слухи - не слухи, а последние пару месяцев банкоматы оооочень часто выдают новенькие купюры.
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру