Уведзена ў эксплуатацыю стартавая пляцоўка будучай АЭС
Уведзена ў эксплуатацыю першая чарга вытворчай базы будучай беларускай АЭС, паведаміў галоўны інжынер дзяржустановы "Дырэкцыя будаўніцтва АЭС" Анатоль Бондар 19 ліпеня на прэс-канферэнцыі ў Мінску. "Гэта так званая стартавая пляцоўка разам з адміністрацыйна-бытавым корпусам для першых падрадчыкаў-будаўнікоў, якія будуць працаваць на гэтай базе", — растлумачыў ён.
Паводле слоў Бондара, вытворчая база ствараецца з мэтай забяспечыць работы па будаўніцтве станцыі. На Астравецкай пляцоўцы таксама вядзецца дапрацоўка так званай піянернай базы. Гэта прыёмка абсталявання, матэрыялаў, забеспячэнне выканання работ па будаўніцтве жыллёвага фонду і жыллёвай інфраструктуры ў гарадскім пасёлку Астравец, паведаміў спецыяліст. Уся гэта аб'яднаная вытворчая база знаходзіцца недалёка ад чыгуначнай станцыі Гудагай.
Як паведаміў першы намеснік міністра прыродных рэсурсаў і аховы навакольнага асяроддзя Віталь Кулік, тыдзень таму Міністэрства энергетыкі зацвердзіла абгрунтаванне інвестыцый у будаўніцтва АЭС. Складнікам гэтага дакумента з'яўляецца справаздача аб ацэнцы ўздзеяння на навакольнае асяроддзе будучай АЭС.
Наступная стадыя пасля абгрунтавання інвестыцый у будаўніцтва АЭС — распрацоўка архітэктурнага праекта. Пасля зацвярджэння праекта пляцоўка для будаўніцтва АЭС ў Астравецкім раёне стане рабочай.
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам9
Каментары