26.07.2011 / 17:10

У Беларусі знайшлі новыя залежы нафты 27

Іх знайшлі спецыялісты РУП «Белгеалогія» ў Акцябрскім раёне Гомельскай вобласці.

Яе знайшлі спецыялісты РУП «Белгеалогія» ў Акцябрскім раёне Гомельскай вобласці.

Новыя залежы вуглевадародаў знойдзены падчас выпрабавання пашуковай свідравіны «Паўднёва-Вішанская №34» на глыбіні 3252-3272 м у ніжніх гарызонтах падсолевых адкладанняў. Прыток нафты, атрыманы тут, папярэдне ацэньваецца ў 5 куб. м у суткі. Геолагі працягваюць свідраванне. «Цяпер на выпрабаванні знаходзіцца другі інтэрвал свідравіны, які залягае ніжэй, — расказаў намеснік генеральнага дырэктара, галоўны геолаг «Белгеалогіі» Яраслаў Грыбік. — У бліжэйшы час плануецца яе асваенне».

Паралельна працягваюцца даследаванні яшчэ на двух свідравінах, дзе раней былі таксама атрыманы прытокі нафты, — «Шацілкаўскай №15» у Светлагорскім раёне і «Новаказанскай №47» у Калінкавіцкім раёне Гомельскай вобласці.

Сёлета «Белгеалогія» павінна забяспечыць прырост прасысловых запасаў нафты на ўзроўні 400 тыс. т. Для выканання гэтай задачы геолагі пашыраюць геаграфію пошукаў. «У нас ёсць праблемы з устойлівымі прытокамі атрымання нафты, бо адкрываемыя залежы невялікія па памерах, і ў другім паўгоддзі гэтага года плануем паскорыць працы па стварэнні новых свідравін, — расказаў Яраслаў Грыбік. — Сярод іх — «Прохарская№13», якая размяшчаецца на Прохарскім нафтавым радовішчы. У верасні плануецца таксама распрацоўка свідравіны «Новабярэзінская» у Жлобінскім раёне. Яшчэ адзін падобны праект будзе выконвацца ў Светлагорскім раёне — па вывучэнні нафтаперспектыўнасці так званай Мазырскай пляцоўкі».

0
agata_garrigue / Адказаць
26.07.2011 / 17:31
Ну сказаў жа прэзідэнт ;) ...
0
praleska / Адказаць
26.07.2011 / 17:33
Калі праўда, тады віншуем беларускіх геолагаў!
0
а вы ржали / Адказаць
26.07.2011 / 17:36
где-то ж есть у нас нефть
Паказаць усе каментары/ 27 /
Каб пакінуць каментар, калі ласка, актывуйце JavaScript у наладах свайго браўзеру