30.07.2011 / 12:44

Вячаслаў Дзіянаў: Дзесьці нашы ідэі былі максімалісцкімі 49

Аўтар ідэі маўклівых пратэстаў Вячаслаў Дзіянаў прызнае, што акцыі зайшлі ў тупік, ён прапануе ставарыць раду з палітыкаў і аналітыкаў.

Аўтар ідэі маўклівых пратэстаў Вячаслаў Дзіянаў прызнае, што акцыі зайшлі ў тупік, ён прапануе ставарыць раду з палітыкаў і аналітыкаў.

У пятніцу 29 ліпеня Вячаслаў Дзіянаў праз суполку «Рэвалюцыя праз сацыяльную сетку» з адкрытым лістом з просьбай аб дапамозе.

«Звяртаюся да вас з прычыны таго, што наша ініцыятыва можа зайсці ў тупік. Цяжка гэта прызнаваць, але мы імкнёмся быць сумленнымі адзін з адным. Мы імкнуліся зрабіць усё, каб аб’яднаць беларускае грамадства, але не ўлічвалі важны фактар — нам не хапала досведу, дзесьці нашы ідэі былі максімалісцкімі. Ад гэтага мы сутыкнуліся з шэрагам праблем», — прызнае хлопец.

«Я не лідар, — піша Дзіянаў. — Мне не хапае ні палітычнага вопыту, ні асабістых якасцяў, ні аўтарытэту ў Беларусі. Так, і маё месцазнаходжанне не дазваляе сказаць, што я разам з тымі людзьмі, якія выходзяць на плошчу.
Я ўсё гэта разумею і прызнаю. Прапаноў паступала шмат, але я бачыў у іх або пагрозу, ці няправільнасць меркаванняў. Гэта мая памылка, маё суб’ектыўнае неразуменне ўсёй карціны таго, што адбываецца. Адсюль з’явіліся асабістыя крыўды на мяне: што са мной не дамовіцца, што я раблю гэта толькі дзеля асабістай выгады. Я прызнаю свае памылкі і памылкі нашай групы».

«Трэба шукаць выйсце, бо ідэя жывая. Сацыяльныя сеткі — гэта сувязь з людзьмі, гэта магчымасць быць пачутым і гэта адзін з механізмаў арганізацыі і правядзення акцый пратэсту. Пакуль ідэя жывая і не забытая, трэба зрабіць усё магчымае, каб яна не згасла, каб тыя людзі, якія паверылі, што можна перамагчы гэтую цемру, былі разам», — пішацца ў звароце.

Цяпер Вячаслаў Дзіянаў прапаноўвае «сфармаваць раду «з палітыкаў, аналітыкаў, палітолагаў, вядомых асоб — давайце разам вырашым, што рабіць людзям, якія пратэсты арганізоўваць, куды далей рухацца». Дзіянаў прапаноўвае абмяркоўваць пытанні праз скайп раз на тыдзень.

Па-другое, ён абяцае, што «аўтарытэтныя людзі будуць дададзеныя ў кіраўніцтва групы». Свае прапановы ён просіць скідваць на электронны адрас: revolutionbelarus@gmail.com.

Акцыі ў рамках «Рэвалюцыі праз сацыяльную сетку» праходзілі штосераду ад 1 чэрвеня. Яшчэ адна акцыя адбылася 3 ліпеня. Найбольшы размах быў 22 чэрвеня, калі ў Мінску сабралася каля 4–5 тысяч, а ў некаторых абласных цэнтрах блізу тысячы чалавек. Пасля ўжывання сілы і арыштаў акцыі сталі мізарнець.

Зміцер Панкавец

0
Самавіты Мянтуз / Адказаць
30.07.2011 / 13:00
Ідэя добрая была й ёсьць. Адна памылка, на мой погляд, гэта штотыднёвасьць акцыяў. Раз на 1-2 месяцы было б больш эфектыўна, і ў сэнсе часу для абвяшчэньня й падрыхтоўкі, і масавасьці адпаведна, і аналізу папярэдніх акцыяў.
0
Satan / Адказаць
30.07.2011 / 13:34
Идея то была неплохой. Но главная ошибка - что они так и не поставили пред собой и людьми конкретики. Да, и лидерство реальное обязан был кто-то взвалить на плечи. Это начало может быть сумбурным, а дальше хочешь или нет, но в любой революции или "не совсем революции" обязаны появиться цели, задачи и лидеры, ведущие массы. А так просто каждую среду ходить и получать пи*дюлин (да, в курсе я про "показывать диктатуру власти").... ну, так может лучше поступить веселей? Нажраться в кабаке и устроить драку. Хоть вспомнить будет что длинными зимними вечерами. Поэтому - пусть Вячеслав и Ко попробуют чОнить замутить, но чОто я уверен, что на них уже можно махнуть рукой и списать в утиль. Собственно, лично я уже списал. з.ы. Инициатива не может зайти в тупик, она уже зашла. Куда уже дальше?... один человек в очереди за колбасой с надписью ШОС на лбу?
0
Воля / Адказаць
30.07.2011 / 13:49
Добрыя акцыі. Ідэя...пры чым тут? Як толькі так адразу....сталі заганяць і пачала акцыя затухаць. Трэба перад усім захаваць інкогніта было..а так, з розных прычын праваліў. Як толькі рада з палітыкаў будзе створана...адразу збірайцеся на нары...
Паказаць усе каментары/ 49 /
Каб пакінуць каментар, калі ласка, актывуйце JavaScript у наладах свайго браўзеру