13 ліпеня 2006 г. пажарам была знішчана частка алтарнага ансамблю гродзенскага катэдральнага касцёла імя св. Францішка Ксаверыя. Алтарны ансамбль аўтара Ёхана Шміта, выкананы з дрэва, паходзіць з сярэдзіны 18 стагоддзя і з’яўляеццагісторыка-культурнай каштоўнасцю. Урачыстае адкрыццё адноўленага алтара намаганнямі ксяндза Яна Кучынскага, адбудзецца 5 жніўня, а 12 гадзіне.
Як паведаміў для grodnensis.by кс. Ян Кучынскі, пробашч катэдральнага касцёла ў Гродне: «будуць некаторыя адрозненні ў адноўленым алтары. Ён будзе выглядаць інакш, стане больш жывы і набудзе першапачатковы выгляд з пачатку XVIII ст. Калі 31 ліпеня 1736 г. падпісвалася ўмова паміж айцамі езуітамі і Ёханам Шмідтам, было адзначана, што пры будаўніцтве алтара яго неабходна падрыхтаваць да пазалоты. На жаль, гэтая ідэя не была рэалізавана. Толькі праз тры стагоддзі нам удалося зрабіць гэта. Адразу ж пасля пажару адбыліся паседжанні Камісій пры Міністэрстве культуры Беларусі і Міністэрстве культуры Польшчы. Польскі бок узяў на сябе правядзенне прац па адбудове і рэстаўрацыі алтара. Уся праца была праведзена ў некалькі этапаў. Першым этапам стала даследаванне ўцалелай часткі алтара, другім — адбудова спаленай канструкцыі разам са скульптурамі (былі знішчаны адна чацвёртая частка алтара і 4 скульптуры), трэцім этапам было фарбаванне і залачэнне. Безумоўна, падчас працы ўзнікалі розныя праблемы і складанасці, часам даводзілася і патарапіць, і пачакаць, але дзякуючы Богу і людзям добрай волі за 5 гадоў мы змаглі скончыць гэтыя тры этапы».
«Урачыстае адкрыццё адбудзецца 5 жніўня ў 12.00 у прысутнасці біскупаў Беларусі, прадстаўнікоў Міністэрстваў культуры Беларусі і Польшчы, а таксама вялікай колькасці гасцей з Гродна і
Кс. Ян Кучынскі запрашае жыхароў Гродна і гасцей прыняць удзел ва ўрачыстасці з нагоды адкрыцця алтара і супольнай падзякі Богу за адноўленую святыню.
Праграма ўрачыстасці 4 — 5 жніўня
19.00 — Св. Імша
20.00 — Аднаўленне адарацыі Найсвяцейшага Сакраманту. Ружанец з разважаннем Радасных таямніц (парафія Беззаганнага Зачацця НПМ, Гродна — Паўднёвы)
21.00 — Зварот. Час на прадстаўленне асабістых просьбаў і інтэнцый (Кола адарацыі Найсвяцейшага Сакраманту)
22.00 — Ружанец з разважаннем Балесных таямніц (парафія Адшукання св. Крыжа, Гродна — Пабернардынскі)
23.00 — Адарацыя Найсвяцейшага Сакраманту (сёстры назарэтанкі)
24.00 — Св. Імша
5 жніўня
1.00 — Адарацыя Найсвяцейшага Сакраманту (Акадэмічнае Душпастырства)
2.00 — Адарацыя Найсвяцейшага Сакраманту (парафія Найсвяцейшага Адкупіцеля, Гродна — Дзевятоўка)
3.00 — Гадзіна Міласэрнасці (парафія Божай Міласэрнасці, Гродна — Вішнявец)
4.00 — Ружанец з разважаннем Хвалебных таямніц (парафія Св. Юзафа, Гродна, вул. Сухамбаева)
5.00 — Гадзінкі ў гонар НПМ
6.00 — Ружанец з разважаннем Таямніц святла (парафія МБ Анельскай, Гродна, айцоў францішканаў)
7.00 — Св. Імша — перад алтаром МБ Кангрэгацкай
8.00 — Св. Імша
9.00 — Св. Імша
10.00 — Аднаўленне адарацыі Найсвяцейшага Сакраманту (парафія МБ Міласэрнасці — Аўгустовак)
11.00 — Адарацыя Найсвяцейшага Сакраманту (моладзь катэдральнай парафіі)
11.25 — Заканчэнне адарацыі Найсвяцейшага Сакраманту
11.30 — Прэзентацыя гісторыі галоўнага алтара
12.00 — Адпустовая св. Імша
Адкрыццё галоўнага алтара
